- ભારતીય મૂળના વ્યકિત પાસેથી કોકેઈનનો મસમોટો જથ્થો ઝડપાયો
- 80 કિલો કોકેઈનની કેનેડામાં 15 વર્ષની સજાની છે જોગવાઈ
- અન્ય ભારતીયો પણ આવી ઘટનાને લઈ બદનામ થાય તેવી સ્થિતિ
કોકેઈનની દાણચોરીના આરોપમાં કેનેડામાં ભારતીય મૂળના એક વ્યક્તિની ધરપકડ કરવામાં આવી છે. આરોપી વ્યક્તિ પર $4.86 મિલિયન (40 કરોડ)ના કોકેઈનની દાણચોરી કરવાનો આરોપ છે. મળતી માહિતી મુજબ, કેનેડાના કાયદા અમલીકરણ દ્વારા કોકેઈનની દાણચોરીના આરોપમાં ધરપકડ કરાયેલા ભારતીયનું નામ સુખવિંદર ધંજુ છે. તેની ઉંમર 35 વર્ષની છે. તે બ્રેમ્પટન, ગ્રેટર ટોરોન્ટો એરિયા (GTA), કેનેડામાં રહે છે. કેનેડિયન બોર્ડર સર્વિસીસ એજન્સી (CBSA) અને રોયલ કેનેડિયન માઉન્ટેડ પોલીસ (RCMP) દ્વારા તેની ઓળખ કરવામાં આવી છે..
કેનેડિયન કાયદા અમલીકરણે બુધવારે (10 જાન્યુઆરી) એક પ્રેસ રિલીઝ જારી કરીને જણાવ્યું હતું કે સુખવિંદર ધંજુ વ્યવસાયે ટ્રક ડ્રાઈવર છે. તે ઓન્ટારિયોના નાયગ્રા-ઓન-ધ-લેકમાં ક્વીન્સટન-લેવિસ્ટન બ્રિજ પોર્ટ પર પહોંચ્યો, જ્યાં કેનેડિયન બોર્ડર સર્વિસીસ એજન્સીને તેની ટ્રકની તપાસ દરમિયાન 202 ઈંટના કદના પ્રતિબંધિત પદાર્થો મળ્યા. ટ્રકની અંદરથી મળી આવેલી ઈંટોનું કુલ વજન 233 કિલો હતું. આ પછી તપાસ કરતાં જાણવા મળ્યું કે ઈંટોમાં કોકેઈન ભરેલી હતી.
કોકેઈન સ્મગલિંગ કેસમાં સુનાવણી
કેનેડિયન બોર્ડર સર્વિસીસ એજન્સી (CBSA) દ્વારા ભારતીય મૂળના એક વ્યક્તિની ધરપકડ કરવામાં આવી હતી જ્યારે તેની પાસેથી કોકેન મળી આવ્યું હતું. ત્યારબાદ તેને કોકેઈન સાથે RCMP બોર્ડર ઈન્ટિગ્રિટી યુનિટમાં ટ્રાન્સફર કરવામાં આવ્યો હતો.જો કે, આ કેસને લઈને ઘણા દિવસો સુધી કામ ચાલી રહ્યું હતું, ત્યારબાદ તપાસના આધારે 19 ડિસેમ્બરે ધનજુ પર કોકેઈનની આયાત અને દાણચોરીનો આરોપ લાગ્યો હતો. કોકેઈનની દાણચોરીના આરોપો અંગે કોર્ટમાં આગામી મહિને બીજી ફેબ્રુઆરીએ સુનાવણી થવાની છે. આ અંગે CBSA અધિકારી જેફ વોલ્ટર્સે કહ્યું કે RCMP સાથે અમારું કામ દાણચોરીના પ્રયાસોને ખતમ કરવાનું છે.
80 કિલો કોકેઈન માટે 15 વર્ષની જેલ
કેનેડાના ઓન્ટારિયો પોઈન્ટ એડવર્ડ બ્લુ વોટર બ્રિજ પોર્ટ પર ગયા મહિને 4 ડિસેમ્બરે અન્ય એક ભારતીય-કેનેડિયન ટ્રક ડ્રાઈવરની ધરપકડ કરવામાં આવી હતી. બ્રેમ્પટનનો રહેવાસી 27 વર્ષીય મનપ્રીત સિંહ 52 કિલોગ્રામ કોકેઈન સાથે ઝડપાયો હતો.
કેનેડિયન કાયદા અમલીકરણે ડિસેમ્બરમાં ભારતીય-કેનેડિયન માટે ઇન્ટરપોલ રેડ નોટિસની માંગ કરી હતી. ભારતીય-કેનેડિયન પર ભારત ભાગી ગયો હોવાનો આરોપ હતો. કેનેડાના કાયદા અનુસાર દેશમાં 80 કિલો કોકેઈનની દાણચોરી માટે 15 વર્ષની જેલની સજા છે.
