અત્યારે ઇન્ડિયા A ટીમ ઇંગ્લેન્ડ સામે ટેસ્ટ શ્રેણી પહેલા તૈયારી માટે ફર્સ્ટ ક્લાસ મેચ રમી રહી છે. ફર્સ્ટ ક્લાસ મેચની બીજી મેચ શુક્રવાર 6 જૂને એટલે કે આજે શરૂ થઈ હતી, જેમાં યશસ્વી જયસ્વાલે ઇન્ડિયા A માટે ઓપનિંગ કરી હતી. પરંતુ આ મેચમાં જયસ્વાલ સાથે જે ઘટના બની તેનાથી તેઓ ઘણા નારાજ દેખાયા.
ઇંગ્લેન્ડમાં ટેસ્ટ શ્રેણીનો માહોલ
IPL સમાપ્ત થયાને હજી વધારે સમય પણ નથી થયો, ત્યાંતો ઇંગ્લેન્ડમાં ટેસ્ટ શ્રેણીની ધમાકેદાર શરૂઆત થઈ ગઈ છે. ભારત A ટીમના કેપ્ટન શુભમન ગિલના નેતૃત્વ હેઠળ ટેસ્ટ મેચ રમવા માટે ટીમ ઇન્ડિયા ઇંગ્લેન્ડ પહોંચી ગઈ છે. જોકે ટીમ ઇન્ડિયાના ઘણા ખેલાડીઓ પહેલાથી જ ઇંગ્લેન્ડમાં હાજર છે. યુવા ઓપનર યશસ્વી જયસ્વાલ આ શ્રેણીમાં સારું પ્રદર્શન કરશે એવી દરેક ભારતીયને અપેક્ષા છે, પરંતુ ઇંગ્લેન્ડના પ્રવાસે આ યુવા ખેલાડી સાથે અન્યાય થતો દેખાઈ રહ્યો છે.
જયસ્વાલ સાથે ઇંગ્લેન્ડમાં અન્યાય?
બીજી મેચમાં ઓપનિંગ કરવા માટે જયસ્વાલ સાથે રાહુલ ઓપનર તરીકે આવ્યા હતા, પરંતુ આ ઓપનિંગ જોડી વધારે સમય સુધી રમી શકી નહીં અને સાતમી ઓવરમાંજ ભારતની પહેલી વિકેટ પડી ગઈ. ઇંગ્લેન્ડના અનુભવી બોલર ક્રિસ વોકસે પહેલી વિકેટ લેવામાં સફળતા મેળવી અને તેમનો શિકાર બન્યા જયસ્વાલ. માત્ર 19 રન બનાવીને જયસ્વાલ આઉટ થયા અને આજ વાત પર જયસ્વાલ આઉટ થયા બાદ ખુબજ નારાજ દેખાયા.
જયસ્વાલનો આત્મવિશ્વાસ તોડવાનો પ્રયાસ?
જયસ્વાલને આઉટ આપવામાં આવ્યા ત્યારે LBWની અપીલ થઈ હતી અને અમ્પાયરે તેમને આઉટ આપ્યા હતા, પરંતુ જયસ્વાલ અમ્પાયરના નિર્ણય સાથે સહમત ન હતા. સ્પષ્ટપણે દેખાતું હતું કે વોક્સનો બોલ ખૂબ સ્વિંગ થઈને આવ્યો હતો અને જ્યારે તે જયસ્વાલના પેડ પર અથડાયો ત્યારે તે લેગ સ્ટમ્પની બહાર જતો દેખાઈ રહ્યો હતો. જયસ્વાલે અમ્પાયરને આ વાત સમજાવવાનો ખૂબ પ્રયાસ કર્યો પરંતુ અમ્પાયરે તેમને પહેલાથી જ આઉટ આપી દીધો હતો.
