આજ સમગ્ર વિશ્વમાં જ્યારે આંતરરાષ્ટ્રીય યોગ દિવસ ઉત્સાહભેર ઉજવાઈ રહ્યો છે, ત્યારે અમદાવાદની ગોદરેજ ગાર્ડન સિટીના નોર્થ ક્લબ ખાતે યોગ દિવસની ભવ્ય ઉજવણી કરવામાં આવી હતી. આ કાર્યક્રમમાં ગોદરેજ ગાર્ડન સિટી અને આસપાસની વિવિધ સોસાયટીઓના રહેવાસીઓએ ઉત્સાહપૂર્વક ભાગ લીધો હતો અને યોગ દ્વારા સ્વસ્થ, તંદુરસ્ત અને સંતુલિત જીવનશૈલી અપનાવવાનો સંકલ્પ કર્યો હતો.
આસપાસની સોસાયટીના લોકો પણ હાજર રહ્યાં યોગમાં
સવારના શાંત અને શુદ્ધ વાતાવરણમાં આયોજિત આ કાર્યક્રમમાં યોગ ગુરુઓએ યોગાસન, પ્રાણાયામ અને ધ્યાન જેવી ક્રિયાઓનું માર્ગદર્શન આપ્યું. સાથે સાથે યોગના શારીરિક, માનસિક તથા આત્મિક લાભો અંગે વિસ્થારપૂર્વક માહિતી પણ આપી. રહેવાસીઓએ ઉત્સાહપૂર્વક યોગ અભ્યાસ કરી યોગના મહત્વને આત્મસાત કર્યું. બધાની હાજરીએ કાર્યક્રમમાં ઉમંગભેર માહોલ સર્જાયો હતો. આ આયોજન સફળ બનાવવા માટે નૉર્થ ક્લબના સંચાલકો, જીજીસી યુથ ક્લબના આગેવાનો તથા સ્વયંસેવકોએ આયોજનની પાછળ કઠોર મહેનત કરી હતી.
