- ભારતીય ટીમના પૂર્વ કેપ્ટન મહેન્દ્ર સિંહ ધોનીએ IPLની તૈયારી શરૂ કરી
- મહેન્દ્ર સિંહ ધોની પોતાના હોમટાઉન રાંચીની નજીક સ્થિત દેવરી મંદિર પહોંચ્યો
- ધોનીની કપ્તાની હેઠળ ચેન્નાઈ ફરી એકવાર ચેમ્પિયન બનવાનો પ્રયાસ કરશે
ભારતીય ટીમના પૂર્વ કેપ્ટન મહેન્દ્ર સિંહ ધોનીએ IPLની તૈયારી શરૂ કરી દીધી છે. વર્ષ 2024માં ધોની ફરી એકવાર ચેન્નાઈ સુપર કિંગ્સની કેપ્ટનશિપ કરતો જોવા મળશે. ગયા વર્ષે મહેન્દ્ર સિંહ ધોનીની કપ્તાનીમાં ચેન્નાઈની ટીમે પાંચમી વખત આઈપીએલનો ખિતાબ જીત્યો હતો.
ધોની IPL માટે તૈયાર
વર્ષ 2023માં ધોની ઘૂંટણની સમસ્યાથી પીડાતો હતો. તેમ છતાં ધોનીએ ગયા વર્ષે IPLની તમામ મેચોમાં ભાગ લીધો હતો. એવું માનવામાં આવતું હતું કે મહેન્દ્ર સિંહ ધોની પણ 2023ના અંતમાં IPLમાંથી નિવૃત્તિ લેશે. પરંતુ તેણે આઈપીએલ 2024 રમવાની ઈચ્છા વ્યક્ત કરી હતી. છેલ્લી સિઝનના અંત બાદ ધોનીએ પોતાના ઘૂંટણની સર્જરી પણ કરાવી હતી.
મંદિર પહોંચ્યા હતા એમએસ ધોની
IPLની નવી સિઝન શરૂ થાય તે પહેલા મહેન્દ્ર સિંહ ધોની પોતાના હોમટાઉન રાંચીની નજીક સ્થિત દેવરી મંદિર પહોંચી ગયો છે. ધોનીને આ મંદિર પ્રત્યે વિશેષ શ્રદ્ધા છે. તે અવારનવાર આશીર્વાદ લેવા માટે મંદિરોમાં જાય છે. મા દેવરી મંદિરનું પોતાનું વિશેષ મહત્વ છે. દેશ અને દુનિયામાંથી ઘણા ભક્તો દેવરી મંદિરના દર્શન કરવા આવે છે.
700 વર્ષ જૂનું છે આ મંદિર
મળતી માહિતી મુજબ આ મંદિર 700 વર્ષ જૂનું છે. મા દેવડી મંદિરમાં સાડા ત્રણ ફૂટ ઉંચી 16 હાથવાળી કાલી દેવીની પ્રતિમા છે. મંદિરના નિર્માણ વિશે કહેવામાં આવે છે કે આ મંદિર 10મીથી 12મી સદીની વચ્ચે બનાવવામાં આવ્યું હતું. મહેન્દ્ર સિંહ ધોની અવારનવાર દેવી માતાના આશીર્વાદ લેવા માટે આ મંદિરની મુલાકાત લે છે. IPL 2024ની શરૂઆત પહેલા જ ધોની આ મંદિરમાં જોવા મળ્યો હતો.
મહેન્દ્ર સિંહ ધોનીનો એક વીડિયો સોશિયલ મીડિયા પર વાયરલ થઈ રહ્યો છે. આ વીડિયોમાં ધોની દેવરી મંદિરમાં જોવા મળ્યા છે. ચાહકોએ મહેન્દ્ર સિંહ ધોનીને ચારે બાજુથી ઘેરી લીધા છે. મહેન્દ્ર સિંહ ધોની IPL 2024માં ધોનીની કપ્તાની હેઠળ ચેન્નાઈ ફરી એકવાર ચેમ્પિયન બનવાનો પ્રયાસ કરશે.
