- ઈન્ડિયન પ્રીમિયર લીગ 2024નું ઓક્શનની તૈયારી શરૂ
- 19 ડિસેમ્બરે દુબઈમાં કરવામાં આવશે ઓક્શન
- IPL ઓક્શનમાં આ 3 ખેલાડીની લાગી શકે લોટરી
ઈન્ડિયન પ્રીમિયર લીગ 2024નું ઓક્શન 19 ડિસેમ્બરે દુબઈમાં થશે. આ વખતે ઓક્શનમાં અનેક નવા ખેલાડી જોવા મળશે, પરંતુ આમાં અમુક ખેલાડી એવા પણ છે, જેના પર ટીમ મોટો દાવ લગાવી શકે છે. ન્યૂઝીલેન્ડના ખેલાડી રચિન રવિન્દ્ર આ લિસ્ટમાં સામેલ છે. રચિને વર્લ્ડકપ 2023માં દમદાર પ્રદર્શન કરીને તમામનું દિલ જીત્યું છે. આ લિસ્ટમાં શ્રીલંકન ખેલાડી વાનિંદુ હસરંગા અને ઓસ્ટ્રેલિયન ખેલાડી ટ્રેવિસ હેડ પણ સામેલ છે.
રચિન રવિન્દ્ર (ન્યૂઝીલેન્ડ)
ન્યૂઝીલેન્ડના યુવા ઓલરાઉન્ડર રચિન રવિન્દ્રએ વર્લ્ડકપમાં શાનદાર પરફોર્મન્સ કર્યું હતું. તેમણે બેટની સાથે બોલથી પણ કમાલ કર્યો હતો. IPL ટીમોની નજર રવિન્દ્ર પર હશે. રવિન્દ્ર અત્યાર સુધી 18 T20 આંતરરાષ્ટ્રીય મેચ રમ્યો છે. આ દરમિયાન તેમણે 145 રન બનાવ્યા છે અને 11 વિકેટ લીધી છે. રચિને 22 વનડે મેચમાં 767 રન બનાવ્યા છે અને 17 વિકેટ લીધી છે. તે ટેસ્ટ મેચ પણ રમી ચૂક્યો છે. જેથી રચિનને ઓક્શનમાં મોટી રકમ મળી શકે છે.
ટ્રેવિસ હેડ (ઓસ્ટ્રેલિયા)
ઓસ્ટ્રેલિયન ખેલાડી ટ્રેવિસ હેડે આંતરરાષ્ટ્રીય ક્રિકેટમાં અનેક વખત શાનદાર પ્રદર્શન કર્યું છે. તેમણે 23 T20 આંતરરાષ્ટ્રીય મેચમાં 554 રન બનાવ્યા છે. તેમણે 1 વિકેટ પણ લીધી છે. આ સાથે 64 વનડે મેચમાં 2 હજાર 393 રન બનાવ્યા છે. સાથે તે વનડેમાં 18 વિકેટ લઈ ચૂક્યા છે. IPLની 10 મેચ પણ હેડે રમી છે. જેથી હેડ પર મોટો દાવ લાગી શકે છે.
વાનિંદુ હસરંગા (શ્રીલંકા)
શ્રીલંકન ઓલરાઉન્ડર હસરંગા રોયલ ચેલેન્જર્સ બેંગલોરના ખેલાડી છે, પરંતુ RCBએ આ ખેલાડીને રિલીઝ કર્યો છે. હસરંગા અત્યારે ફિટ નથી. જો તે IPL સુધી ફિટ થશે, તો ઓક્શનમાં મોટી રકમ મેળવી શકે છે. હસરંગા IPLમાં 26 મેચ રમ્યો છે. આ દરમિયાન હસરંગાએ 35 વિકેચ લીધી છે. તે 58 T20 આંતરરાષ્ટ્રીય મેચમાં 533 રન બનાવી ચૂક્યો છે. આ સાથે 91 વિકેટ પણ મેળવી ચૂક્યો છે.
