આઈપીએલ 2025નું ટાઈટલ રોયલ ચેલેન્જર્સ બેંગ્લુરુએ મંગળવારે પંજાબ કિંગ્સને હરાવીને જીતી લીધું. આ પછી વિરાટ કોહલી અને અનુષ્કા શર્મા સહિત આરસીબી ટીમ બુધવારે ફેન્સ સાથે જીતને સેલિબ્રેટ કરવા માટે બેંગ્લુરુ પહોંચી ગઈ છે.
આ દરમિયાન ટીમ બસથી ટ્રાવેલ કરી રહી હતી, જેમાં વિરાટ કોહલી પણ હાજર હતો, તે ટ્રોફીને પોતાની સાથે પકડીને બેઠો હતો. આ બસની આસપાસ ફેન્સ જોરથી બૂમો પાડી રહ્યા હતા. વિરાટ કોહલીની સાથે તેની પત્ની અનુષ્કા પણ આ બસમાં હાજર હતી.
અનુષ્કાએ શેર કર્યો બેંગ્લુરુના રસ્તા પર હાજર ફેન્સનો વીડિયો
અનુષ્કા અને કોહલી ટીમ બસમાં હાજર હતા. બસની આસપાસ રસ્તાઓ પર ઘણા ફેન્સ ટીમનું મનોબળ વધારવા માટે આવ્યા હતા. અનુષ્કાએ ઈન્સ્ટાગ્રામ પર એક સ્ટોરી શેર કરી અને લખ્યું “નમ્મા બેંગ્લુરુ કરંટ સીન્સ.” આ વીડિયોમાં જોવા મળી રહ્યું છે કે RCB ફેન્સ ટીમની પહેલી ટ્રોફી જીતના સેલિબ્રેશન કરવા માટે કેવી રીતે ઉત્સુક છે. RCB ટીમ બસ દ્વારા ચિન્નાસ્વામી સ્ટેડિયમ જશે. જ્યાં જીતનું સેલિબ્રેશન કરવામાં આવશે.
17 વર્ષ બાદ કોહલી અને બેંગ્લુરુએ જીતી પહેલી ટ્રોફી
વિરાટ કોહલી જ્યારથી IPLની શરુઆત થઈ ત્યારથી RCB ટીમનો ભાગ રહ્યો છે. તેને ટીમ સાથે આ પહેલા ત્રણ IPL ફાઈનલની મુસાફરી કરી હતી. પરંતુ બેંગ્લુરુ એક પણ ફાઈનલ જીતી શક્યું ન હતું. પરંતુ હવે 17 વર્ષ પછી વિરાટ કોહલી અને RCBનું સ્વપ્ન પૂર્ણ થયું છે.
વિરાટ કોહલીએ આ સિઝનમાં શાનદાર બેટિંગ કરી. તેને 15 મેચમાં 54.75 ની એવરેજથી 657 રન બનાવ્યા. આ દરમિયાન તેનો સ્ટ્રાઈક રેટ 144.72 રહ્યો. વિરાટ કોહલીએ આ સિઝનમાં સૌથી વધુ 8 અડધી સદી ફટકારી. તેને ફાઈનલ મેચમાં પણ 43 રનની મહત્વપૂર્ણ ઈનિંગ રમીને ટીમની જીતમાં પણ મહત્વપૂર્ણ ભૂમિકા ભજવી.
