IPL 2025ની ફાઈનલ મેચમાં રોયલ ચેલેન્જર્સ બેંગ્લુરુ અને પંજાબ કિંગ્સની ટીમો એકબીજા સામે રમ્યા હતા. પ્રથમ બેટિંગ કરતા RCB એ 190 રન બનાવ્યા. પંજાબને ટાઈટલ જીતવા માટે 191 રન બનાવવા પડશે. પંજાબને પહેલો ઝટકો જોશ હેઝલવુડે આપ્યો. પરંતુ જો ફિલ સોલ્ટે બાઉન્ડ્રી લાઈન પર શાનદાર કેચ ન લીધો હોત તો આ શક્ય ન બન્યું હોત. તેને એક શાનદાર કેચ પકડ્યો.
ફિલ સોલ્ટે પકડ્યો શાનદાર કેચ
પ્રિયાંશ આર્યએ પાંચમી ઓવરના છેલ્લા બોલ પર મોટો શોટ રમવાનો પ્રયાસ કર્યો. તે પંજાબ માટે છગ્ગો મારવા માંગતો હતો. પરંતુ બાઉન્ડ્રી લાઈન પર ફિલ્ડિંગ કરતા ફિલ સોલ્ટે પોતાના મગજનો યોગ્ય ઉપયોગ કર્યો અને એક શાનદાર કેચ પકડીને RCBને વાપસી અપાવી. ફિલ સોલ્ટ પહેલા કેચ લે છે.
પરંતુ બાદમાં તેને બોલ હવામાં ફેંક્યો અને બાઉન્ડ્રી લાઈનની પાછળ ગયો. ત્યારબાદ તેને કેચ પૂર્ણ કરવા માટે બોલ હવામાં ફેંક્યો. આ દરમિયાન પ્રિયાંશ આર્ય સોલ્ટના ફેસ તરફ જોતો રહ્યો, જેનો વીડિયો સોશિયલ મીડિયા પર વાયરલ થઈ રહ્યો છે.
RCB બન્યું ચેમ્પિયન
રોયલ ચેલેન્જર્સ બેંગ્લુરુએ આખરે 18 વર્ષ લાંબા IPL ટ્રોફીના દુકાળનો અંત લાવ્યો છે. ઈન્ડિયન પ્રીમિયર લીગની 18મી સીઝનમાં, રજત પાટીદારની કેપ્ટનશીપ હેઠળ રમતી રોયલ ચેલેન્જર્સ બેંગ્લુરુ ટીમનો સામનો ફાઈનલ મેચમાં પંજાબ કિંગ્સ ટીમ સામે થયો હતો, જેમાં તેઓએ મેચ 6 રનથી જીતીને ટાઇટલ જીતવામાં સફળતા મેળવી હતી.
આ મેચમાં, RCB ટીમે પ્રથમ બેટિંગ કરતા 20 ઓવરમાં 9 વિકેટ ગુમાવીને 190 રન બનાવ્યા, ત્યારબાદ પંજાબ કિંગ્સ ટીમ 20 ઓવરમાં માત્ર 184 રન જ બનાવી શકી અને પ્રથમ વખત ટ્રોફી જીતવાનું તેમનું સ્વપ્ન પૂર્ણ થઈ શક્યું નહીં.
