ઈન્ડિયન પ્રીમિયર લીગની 18મી સીઝનનો પ્રારંભ 22 માર્ચથી થશે. IPL 2025 ની પહેલી મેચ કોલકાતા નાઈટ રાઈડર્સ અને રોયલ ચેલેન્જર્સ બેંગ્લોર વચ્ચે રમાશે. આ સિઝનમાં, મુંબઈ ઈન્ડિયન્સ ટીમ 23 માર્ચે ચેન્નાઈ સુપર કિંગ્સ સામે પોતાની પહેલી મેચ રમશે. હાર્દિક પંડ્યા આ મેચમાં રમશે નહીં.
તમને જણાવી દઈએ કે હાર્દિક પંડ્યા પર એક IPL મેચનો પ્રતિબંધ છે. આ કારણોસર, તે IPL 2025 ની પહેલી મેચ રમી શકશે નહીં. આ જ કારણ છે કે તે ન તો મુંબઈ ઈન્ડિયન્સનો કેપ્ટન રહેશે અને ન તો ચેન્નાઈ સુપર કિંગ્સ સામેની મેચમાં પ્લેઈંગ ઈલેવનનો ભાગ રહેશે.
જાણો કેમ નહીં રમે હાર્દિક પંડ્યા
હાર્દિક પંડ્યા પર સ્લો ઓવર રેટના કારણે એક મેચનો પ્રતિબંધ મૂકવામાં આવ્યો છે. હાર્દિક પંડ્યા IPL 2024 માં મુંબઈ ઈન્ડિયન્સનો કેપ્ટન હતો. આ સમયગાળા દરમિયાન ટીમને ધીમા ઓવર રેટ માટે ત્રણ વખત દંડ ફટકારવામાં આવ્યો હતો. જ્યારે કોઈ કેપ્ટન પહેલી વાર આવું કરે છે ત્યારે તેને 12 લાખ રૂપિયાનો દંડ ફટકારવામાં આવે છે. બીજી વખત દંડ બમણો કરવામાં આવે છે. જો આવું ત્રીજી વખત થાય છે, તો એક મેચનો પ્રતિબંધ લાદવામાં આવે છે. IPL 2024માં રિષભ પંત પર પણ ધીમા ઓવર રેટને કારણે એક મેચ માટે પ્રતિબંધ મૂકવામાં આવ્યો હતો.
હાર્દિકની જગ્યાએ સૂર્યકુમાર યાદવ મુંબઈ ઈન્ડિયન્સનો બન્યો કેપ્ટન
હાર્દિક પંડ્યા પર એક મેચનો પ્રતિબંધ મૂકવામાં આવ્યો છે. આ પરિસ્થિતિમાં, તે 23 માર્ચે ચેન્નાઈ સુપર કિંગ્સ સામે રમી શકશે નહીં. તેમની ગેરહાજરીમાં, સૂર્યકુમાર યાદવ ટીમનું નેતૃત્વ કરી શકે છે. પરંતુ MIએ હજુ સુધી ઓફિશિયલ જાહેરાત કરી નથી. હાર્દિકની જગ્યાએ રોબિન મિંજને પ્લેઈંગ ઈલેવનમાં તક મળી શકે છે.
પહેલી મેચમાં મુંબઈ ઈન્ડિયન્સની સંભવિત પ્લેઈંગ ઈલેવન
રોહિત શર્મા, વિલ જેક્સ, તિલક વર્મા, સૂર્યકુમાર યાદવ (કેપ્ટન), રોબિન મિંજ, નમન ધીર, મિચેલ સેન્ટનર, દીપક ચહર, કર્ણ શર્મા, ટ્રેન્ટ બોલ્ટ અને કોર્બિન બોશ / મુજીબ ઉર રહેમાન.
