ભારત અને પાકિસ્તાન વચ્ચે યુદ્ધ જેવી પરિસ્થિતિને કારણે IPL 2025 મુલતવી રાખવામાં આવી હતી પરંતુ હવે તે 17 મેથી શરૂ થઈ રહી છે. મોટા સમાચાર એ છે કે ઘણા વિદેશી ખેલાડીઓ જે પોતાના દેશ પરત ફર્યા હતા તેઓ હવે આ લીગમાં ભાગ લેવા માટે આવી રહ્યા નથી.
જોફ્રા આર્ચર, જેમી ઓવરટન અને સેમ કરન IPLની બાકીની મેચો માટે ભારત પાછા ફરવાના નથી. જેમી ઓવરટન અને સેમ કરન ચેન્નાઈ સુપર કિંગ્સનો ભાગ હતા અને જોફ્રા આર્ચર રાજસ્થાન રોયલ્સ ટીમમાં હતો. તમને જણાવી દઈએ કે આ બંને ટીમો પ્લેઓફની રેસમાંથી બહાર થઈ ગઈ છે.
આરસીબી-મુંબઈને મળ્યા સારા સમાચાર
આ દરમિયાન, RCB અને મુંબઈ ઈન્ડિયન્સને ખૂબ જ સારા સમાચાર મળ્યા છે. કારણ કે જોસ બટલર, વિલ જેક્સ, લિયામ લિવિંગસ્ટોન અને જેકબ બેથેલ 15 મે સુધીમાં ભારત પહોંચી જશે. વિલ જેક્સ મુંબઈ ઈન્ડિયન્સ માટે એક મહત્વપૂર્ણ ખેલાડી છે અને જેકબ બેથલ, લિયામ લિવિંગસ્ટોન RCBનો ભાગ છે. જ્યારે જોસ બટલર ગુજરાત ટાઈટન્સ ટીમનો મહત્વપૂર્ણ ખેલાડી છે. આ સિઝનમાં ત્રણેય ટીમો ચેમ્પિયન બનવાની દાવેદાર છે.
ફિલ સોલ્ટને લઈને મોટું અપડેટ
ફિલ સોલ્ટ અંગે કોઈ સમાચાર નથી. ટુર્નામેન્ટ દરમિયાન આ RCB ખેલાડી ઈજાગ્રસ્ત થયો હતો, તેના સ્થાને બેથલને પ્લેઈંગ ઈલેવનમાં તક મળી રહી હતી. હવે એ સ્પષ્ટ નથી કે ફિલ સોલ્ટ ભારતમાં આવશે કે નહીં. જોફ્રા આર્ચરના પરત ન ફરવા અંગે, રાજસ્થાન રોયલ્સે કહ્યું છે કે ખેલાડી ઈજાગ્રસ્ત છે અને ઈજામાંથી સ્વસ્થ થઈ રહ્યો છે. રાજસ્થાન ટીમ માટે તે સૌથી મહત્વપૂર્ણ છે કે તે શક્ય તેટલી વહેલી તકે ફિટનેસ પાછું મેળવે.
હજુ સુધી એ સ્પષ્ટ નથી કે ઈંગ્લેન્ડનો બીજો મોટો ખેલાડી મોઈન અલી પાછો ફરશે કે નહીં. તેમના પિતા મુનીર અલીએ એક વેબસાઈટને જણાવ્યું હતું કે મોઈન અલી આગામી 24 કલાકમાં નિર્ણય લેશે. તમને જણાવી દઈએ કે ભારત-પાકિસ્તાન સંઘર્ષને કારણે, IPLનું આખું શેડ્યૂલ બદલાઈ ગયું હતું અને હવે તે 17 મેથી ફરી શરૂ થઈ રહ્યું છે. પ્લેઓફની જંગ 29 મેથી શરૂ થશે અને ફાઈનલ મેચ 3 જૂને રમાશે.
