IPL 2025 દરમિયાન SRH ને મોટો ઝટકો લાગ્યો છે. ટીમના સ્ટાર ઓપનિંગ બેટ્સમેન ટ્રેવિસ હેડ કોવિડ-19 માટે પોઝિટિવ હોવાનું જાણવા મળ્યું છે. આ સમાચારની પુષ્ટિ સનરાઈઝર્સ હૈદરાબાદના મુખ્ય કોચ ડેનિયલ વેટોરીએ કરી છે. તેમને માહિતી આપી છે કે ટ્રેવિસ હેડ કોરોના પોઝિટિવ જોવા મળ્યા છે. આ કારણે, હેડ હજુ સુધી ભારત પાછો ફરી શક્યો નથી.
ડેનિયલ વેટોરીએ કરી પુષ્ટિ
સનરાઈઝર્સ હૈદરાબાદ તેમની આગામી મેચ 19 મેના રોજ લખનૌ સુપર જાયન્ટ્સ સામે રમશે. આ મેચ પહેલા પ્રેસ કોન્ફરન્સમાં વેટ્ટોરીએ કહ્યું કે ટ્રેવિસ હેડ કાલે સવારે આવી રહ્યો છે. તેને પહોંચવામાં મોડું થયું. ખરેખર તેને કોરોના થયો હતો. એટલા માટે તે મુસાફરી કરી શક્યો નહીં. તો તે કાલે સવારે આવશે અને ત્યારબાદ અમે તેની સ્થિતિનું મૂલ્યાંકન કરીશું.
સનરાઈઝર્સ હૈદરાબાદ પ્લેઓફની રેસમાંથી બહાર
ભારત અને પાકિસ્તાન વચ્ચે વધતા તણાવને કારણે IPL એક અઠવાડિયા માટે મુલતવી રાખવામાં આવ્યા બાદ સનરાઈઝર્સના હેડ અને કેપ્ટન પેટ કમિન્સ ઓસ્ટ્રેલિયા ગયો હતો. તેના ગયા પછી, 11 જૂનથી શરૂ થનારી વર્લ્ડ ટેસ્ટ ચેમ્પિયનશિપ ફાઈનલ માટે તેમની રાષ્ટ્રીય પ્રતિબદ્ધતાને કારણે તેઓ ભારત પાછા ફરશે કે નહીં અને ક્યારે તે અંગે બહુ ઓછી સ્પષ્ટતા હતી. પરંતુ સનરાઈઝર્સે પુષ્ટિ આપી હતી કે હેડ અને કમિન્સ IPL 2025ના બાકીના મેચો માટે ભારત આવશે.
IPL 2025માં ટ્રેવિસ હેડનું બેટ રહ્યું શાંત
હૈદરાબાદની ટીમ પહેલાથી જ પ્લેઓફની દોડમાંથી બહાર થઈ ગઈ છે અને 25 મેના રોજ ગ્રુપ સ્ટેજમાં તેની છેલ્લી મેચ રમશે. આ સિઝનમાં હૈદરાબાદની 3 મેચ બાકી છે. લખનૌ પછી, તેને RCB અને KKR સામે મેચ રમવાની છે. હેડ તેની વિસ્ફોટક બેટિંગ માટે જાણીતો છે, પરંતુ આ સિઝનમાં તેનું બેટ સારું પ્રદર્શન કરી શક્યું નહીં. તેને 11 મેચમાં 281 રન બનાવ્યા. ગયા સિઝનમાં તેને 15 મેચમાં 567 રન બનાવ્યા હતા.
જાણો કોનું પલડું ભારે
IPLના ઈતિહાસમાં અત્યાર સુધીમાં હૈદરાબાદ અને લખનૌ વચ્ચે 5 મેચ રમાઈ છે. આમાંથી એક મેચ હૈદરાબાદ અને બાકીની બધી મેચ લખનૌએ જીતી છે.
કુલ મેચ – 5
હૈદરાબાદ જીત – 1
લખનૌની જીત – 4 મેચ
લખનૌ સુપર જાયન્ટ્સ સંભવિત પ્લેઈંગ 11: એડન માર્કરામ, મિચેલ માર્શ, નિકોલસ પૂરન, ડેવિડ મિલર, રિષભ પંત (વિકેટકીપર/કેપ્ટન), આયુષ બદોની, અબ્દુલ સમદ, દિગ્વેશ સિંહ, પ્રિન્સ યાદવ, રવિ બિશ્નોઈ, શાર્દુલ ઠાકુર.
સનરાઈઝર્સ હૈદરાબાદ પ્લેઈંગ 11: અભિષેક શર્મા, ટ્રેવિસ હેડ, હેનરિક ક્લાસેન, નીતિશ કુમાર રેડ્ડી, ઈશાન કિશન (વિકેટકીપર), અનિકેત વર્મા, પેટ કમિન્સ(કેપ્ટન), હર્ષલ પટેલ, જીશાન અંસારી, મોહમ્મદ શમી, સિમરજીત સિંહ.
