હાલમાં ભારતમાં IPL 2025નો ક્રેઝ ચાલી રહ્યો છે, જ્યાં ફેન્સને રોમાંચક મેચો જોવા મળી રહી છે. IPL ને 18 વર્ષ પૂર્ણ થયા છે, પરંતુ આ પછી પણ ફેન્સમાં તેનો ક્રેઝ જોરદાર જોવા મળી રહ્યો છે.
લખનૌની લીગની શરૂઆત 12 એપ્રિલના રોજ લખનૌમાં લખનૌ સુપર જાયન્ટ્સ અને ગુજરાત ટાઈટન્સ વચ્ચેની મેચથી થઈ હતી જેમાં ઘરઆંગણે 6 વિકેટથી જીત મેળવી હતી. નિકોલસ પૂરનના સિક્સર વાગવાથી ટીમનો એક ફેન ઘાયલ થતાં રિષભ પંતની આગેવાની હેઠળની ટીમનો વિજય ઢંકાઈ ગયો.
નિકોલસ પૂરનનો વીડિયો થયો વાયરલ
ત્યારબાદ ઘાયલ ફેનને તાત્કાલિક હોસ્પિટલમાં લઈ જવામાં આવ્યો, જ્યાં તેના માથા પર પાટો બાંધવામાં આવ્યો. પરંતુ ફેને અદ્ભુત જુસ્સો બતાવ્યો અને તરત જ સ્ટેડિયમ પાછા જવાનું નક્કી કર્યું, જેને બધાનું દિલ જીતી લીધું. તેનો આ વીડિયો તે સમયે વાયરલ થયેલા વીડિયોમાંનો એક હતો. પરંતુ હવે પૂરને એક જીત અપાવી છે અને પોતાના અને લખનૌના સૌથી ખાસ ફેનને મળ્યો અને તેને સહી કરેલી કેપ ભેટમાં આપી. તેનો આ વીડિયો ખૂબ વાયરલ થઈ રહ્યો છે.
પૂરન તરફથી ભેટ મળતાં ખુશ થઈ ગયો ફેન
પુરન તરફથી આ ભેટ મળ્યા પછી ફેન ખૂબ જ ખુશ જોવા મળે છે. જ્યારે તેને આ વિશે વાત કરવામાં આવી ત્યારે તેને કહ્યું, ‘મને પૂરન સર સાથે વાત કરવાની ખૂબ મજા આવી. તેમને મને ફોન કર્યો. હું મંગળવારે ટીમનો મેચ જોવા આવી રહ્યો છું. તેને આગળ કહ્યું કે ‘જો સિક્સર વાગે કે માથું તૂટી જાય તો પણ કોઈ સમસ્યા નથી.’ આપણી લખનૌ ટીમે જીતતા રહેવું જોઈએ. અમારી ટીમ તે દિવસે જીતી ગઈ. આ વાતથી ખુશ હતો. મારી આ ટીમ, ટ્રોફીનું સ્વપ્ન જુએ છે.
લખનૌની કારમી હાર
પ્રથમ બેટિંગ કરતા લખનૌ સુપર જાયન્ટ્સે 20 ઓવરમાં 6 વિકેટે 159 રન બનાવ્યા. એડન માર્કરામે 52 રનની ઈનિંગ રમી. મુકેશ કુમારે 4 બેટ્સમેનોની વિકેટ લીધી. મિચેલ સ્ટાર્ક અને દુષ્મંથા ચમીરાએ 1-1 વિકેટ લીધી. લખનૌના સ્કોરના જવાબમાં, દિલ્હીએ 2 વિકેટ ગુમાવીને 160 રનનો લક્ષ્યાંક હાંસલ કર્યો. કેએલ રાહુલે 42 બોલમાં 57 રનની અણનમ ઈનિંગ રમી.
