IPL 2025માં ત્રણ હારનો સામનો કરી ચૂકેલા મુંબઈ ઈન્ડિયન્સ માટે મોટા સારા સમાચાર આવ્યા છે. જસપ્રીત બુમરાહને લઈને અત્યાર સુધીની સૌથી મોટી અપડેટ આવી છે. બુમરાહ ઈન્ડિયન પ્રીમિયર લીગની 18મી સીઝનમાં વાપસી કરવા માટે તૈયાર છે.
મીડિયા રિપોર્ટ મુજબ બુમરાહ 13 એપ્રિલે દિલ્હી કેપિટલ્સ સામેની મેચમાં રમતો જોવા મળશે. બુમરાહ ઓસ્ટ્રેલિયા પ્રવાસ દરમિયાન ઈજાગ્રસ્ત થયો હતો, ત્યારબાદ તે મેદાનથી દૂર છે.
વાપસી માટે તૈયાર છે જસપ્રીત બુમરાહ
જસપ્રીત બુમરાહ અંગે અત્યાર સુધીની સૌથી મોટી અપડેટ આવી છે. બુમરાહ IPL 2025માં વાપસી કરવા માટે તૈયાર છે. મીડિયા રિપોર્ટ મુજબ, બુમરાહ આગામી એકથી બે દિવસમાં મુંબઈ ઈન્ડિયન્સ કેમ્પમાં જોડાશે. આ સાથે, તે 13 એપ્રિલે દિલ્હી કેપિટલ્સ સામેની મેચમાં પણ રમતો જોવા મળશે. જસપ્રીત બુમરાહ લાંબા સમયથી ઈજાથી પીડાઈ રહ્યો છે. બુમરાહને ઓસ્ટ્રેલિયા પ્રવાસ પર રમાયેલી બોર્ડર-ગાવસ્કર સિરીઝની છેલ્લી ટેસ્ટ મેચમાં આ ઈજા થઈ હતી.
ચાર મેચમાંથી ફક્ત એક જ મેચ જીતી શક્યું છે મુંબઈ
IPL 2025માં મુંબઈ ઈન્ડિયન્સનું પ્રદર્શન અત્યાર સુધી નિરાશાજનક રહ્યું છે. હાર્દિક પંડ્યાના નેતૃત્વમાં, MIએ અત્યાર સુધીમાં ચાર મેચ રમી છે, જેમાંથી ત્રણમાં ટીમને હારનો સામનો કરવો પડ્યો છે. છેલ્લી મેચમાં ટીમને લખનૌ સુપર જાયન્ટ્સ સામે હારનો સામનો કરવો પડ્યો હતો. પ્રથમ બેટિંગ કરતા લખનૌએ સ્કોરબોર્ડ પર 8 વિકેટ ગુમાવીને 203 રન બનાવ્યા, જેના જવાબમાં મુંબઈ ઈન્ડિયન્સ 5 વિકેટ ગુમાવીને માત્ર 191 રન જ બનાવી શક્યું.
છેલ્લી ઓવરમાં ક્રીઝ પર ઊભા રહેવા છતાં, હાર્દિક પંડ્યા ટીમને જીત અપાવવામાં નિષ્ફળ ગયો. પરંતુ હાર્દિકનું બોલિંગમાં પ્રદર્શન ઉત્તમ હતું અને તેને પાંચ વિકેટ લીધી. હાર્દિક ઈન્ડિયન પ્રીમિયર લીગના ઈતિહાસમાં પાંચ વિકેટ લેનાર પ્રથમ કેપ્ટન બન્યો.
