IPL 2025માં બંને ફાઈનલિસ્ટ ટીમો મળી ગઈ છે. રોયલ ચેલેન્જર્સ બેંગ્લુરુ અને પંજાબ કિંગ્સ વચ્ચેની મેચ 3 જૂને અમદાવાદના નરેન્દ્ર મોદી સ્ટેડિયમમાં રમાશે.
ગઈકાલે રાત્રે ક્વોલિફાયર 2માં પંજાબ કિંગ્સે મુંબઈ ઈન્ડિયન્સને હરાવીને 11 વર્ષ પછી ફાઈનલમાં એન્ટ્રી કરી. આ જીત સાથે પંજાબે IPLમાં ઈતિહાસ રચ્યો, જે મુંબઈ ઈન્ડિયન્સ સાથે IPLના 18 વર્ષના ઈતિહાસમાં પહેલીવાર મેચ રમાઈ.
પંજાબ કિંગ્સે રચ્યો ઈતિહાસ
આ મેચ જીતવા માટે મુંબઈ ઈન્ડિયન્સે પંજાબને 204 રનનો ટાર્ગેટ આપ્યો હતો. જેને શ્રેયસ ઐયરની ટીમે માત્ર 19 ઓવરમાં જ પ્રાપ્ત કરી લીધો. આ પ્લેઓફમાં કોઈપણ ટીમ દ્વારા આ સૌથી વધુ સફળ રન ચેઝ હતો. આ પહેલા IPL પ્લેઓફમાં સૌથી વધુ સફળ રન ચેઝનો રેકોર્ડ કોલકાતા નાઈટ રાઈડર્સના નામે હતો, જેને IPL 2014માં પંજાબ કિંગ્સ સામે આ મહાન સિદ્ધિ મેળવી હતી. હવે પંજાબે આ રેકોર્ડ પોતાના નામે કરી લીધો છે.
મુંબઈ ઈન્ડિયન્સ સાથે પહેલી વાર થયું આવું
મુંબઈ ઈન્ડિયન્સે 203 રન બનાવવા છતાં ક્વોલિફાયર 2 માં હારનો સામનો કરવો પડ્યો. આ આઈપીએલના ઈતિહાસમાં આ પહેલી વાર છે જ્યારે મુંબઈની ટીમે 200 થી વધુ રન બનાવ્યા હોય અને તો પણ તે હારી ગયું હોય. IPLના ઈતિહાસમાં આજ સુધી ક્યારેય એવું જોવા મળ્યું ન હતું કે મુંબઈ ઈન્ડિયન્સ 200 થી વધુ રન બનાવ્યા પછી પણ હારી ગયું હોય.
પંજાબ કિંગ્સે મેચ 5 વિકેટે જીતી હતી મેચ
આ મેચમાં પહેલા બેટિંગ કરતા મુંબઈ ઈન્ડિયન્સે 20 ઓવરમાં 6 વિકેટ ગુમાવીને 203 રન બનાવ્યા હતા. મુંબઈ તરફથી તિલક વર્મા અને સૂર્યકુમાર યાદવે 44-44 રન બનાવ્યા હતા. આ સિવાય જોની બેયરસ્ટોએ 38 રન બનાવ્યા. તેના જવાબમાં પંજાબ કિંગ્સે આ ટાર્ગેટ 1 ઓવર પહેલા જ પ્રાપ્ત કરી લીધો હતો. જેમાં કેપ્ટન શ્રેયસ ઐયરે મહત્વપૂર્ણ ભૂમિકા ભજવી હતી. આ મેચમાં શ્રેયસ ઐયરે 41 બોલમાં 87 રનની અણનમ ઈનિંગ રમી.
