પાકિસ્તાન ઘણીવાર પોતાની સરખામણી ભારત સાથે કરે છે, ક્યારેક લશ્કરી દ્રષ્ટિએ, ક્યારેક ટેકનોલોજીની દ્રષ્ટિએ અને ક્યારેક ક્રિકેટની દ્રષ્ટિએ. પરંતુ તે ભારત સામે ક્યાંય ટકી શકે નહીં. હવે પાકિસ્તાન સુપર લીગનું ઉદાહરણ લો.
પાકિસ્તાન સુપર લીગની શરૂઆત પાકિસ્તાને IPLની કોપી કરીને કરી હતી. પરંતુ PSL ક્યારેય આઈપીએલ જેવી લોકપ્રિયતા મેળવી શક્યું નહીં. આ વખતે પણ લાહોર કલંદર્સે ફાઈનલમાં ક્વેટા ગ્લેડિયેટર્સને હરાવીને ત્રીજી વખત ટાઈટલ જીત્યું હતું, પરંતુ આ જીત કરતાં પણ વધુ, PSL માં મળેલી ઈનામી રકમ વિશે ઘણી ચર્ચા થઈ રહી છે, જે પાકિસ્તાનની આર્થિક સ્થિતિને દર્શાવે છે.
IPL સામે કંઈ નથી PSLની ઈનામી રકમ
PSLની ફાઈનલ 24 મે 2025 ના રોજ રમાઈ હતી, જેમાં 202 રનનો પીછો કરતા લાહોર કલંદર્સે ક્વેટા ગ્લેડીયેટર્સને 6 વિકેટથી હરાવીને ત્રીજી વખત પીએસએલનો ખિતાબ જીત્યો હતો. લાહોર કલંદર્સને જીતવા બદલ માત્ર 4.25 કરોડ રૂપિયા ઈનામી રકમ તરીકે આપવામાં આવ્યા હતા.
જો આપણે IPL ની વાત કરીએ, તો આ લીગ 2008 માં શરૂ થઈ હતી. 18 વર્ષ પહેલા, જ્યારે આ ટુર્નામેન્ટ પહેલીવાર યોજાઈ હતી, ત્યારે રાજસ્થાન રોયલ્સને 4.80 કરોડ રૂપિયા આપવામાં આવ્યા હતા. આનો અર્થ એ થયો કે આજે પાકિસ્તાનની ઈનામી રકમ ભારતના 18 વર્ષના ધોરણ સુધી પણ પહોંચી નથી. IPLના મેગા ઓક્શનમાં, ઘણા અનકેપ્ડ ખેલાડીઓ PSLની કુલ ઈનામી રકમ કરતાં વધુ કિંમતે વેચાય છે.
પીએસએલની આટલી ઓછી ઈનામી રકમ દર્શાવે છે કે પાકિસ્તાનની આર્થિક સ્થિતિ બિલકુલ સારી નથી. આજે, દેશ દેવામાં ડૂબેલો છે અને સતત IMF પાસેથી મદદ માટે વિનંતી કરતો જોવા મળે છે.
લાહોર કલંદર્સ માટે સિકંદર રઝા બન્યો હીરો
મેચની વાત કરીએ તો, ફાઈનલ મેચ લાહોર કલંદર્સ અને ક્વેટા ગ્લેડીયેટર્સ વચ્ચે રમાઈ હતી, જેમાં ઝિમ્બાબ્વેના ઓલરાઉન્ડર સિકંદર રઝા મેચ શરૂ થવાના માત્ર 10 મિનિટ પહેલા ઈંગ્લેન્ડથી પહોંચ્યો અને ટીમમાં જોડાયો અને ટીમને જીત અપાવવામાં નિર્ણાયક ભૂમિકા ભજવી.
