IPL 2025 સીઝન-18 ની પ્રથમ ત્રણ મેચ માટે રાજસ્થાન રોયલ્સ ટીમના કેપ્ટન બદલાયા છે. સંજુ સેમસન રમતા જોવા મળશે પરંતુ તે પહેલી ત્રણ મેચમાં ટીમનું નેતૃત્વ કરશે નહીં. સંજુ હજુ સંપૂર્ણ રીતે ફિટ નથી, તેના સ્થાને યુવા ખેલાડી રિયાન પરાગને કેપ્ટનશીપ સોંપવામાં આવી છે.
પ્રથમ મેચમાં ટોસ સાથે, રિયાન પરાગના નામે એક ખાસ સિદ્ધિ નોંધાશે. આ સાથે રિયાન વિરાટ કોહલી સાથે એક ખાસ લિસ્ટમાં જોડાશે.
રિયાન પરાગના નામે રહેશે આ ખાસ સિદ્ધિ
સંજુ સેમસન અનફિટ હોવાને કારણે, રિયાન પરાગને પ્રથમ ત્રણ મેચ માટે રાજસ્થાન રોયલ્સનું કેપ્ટનશિપ સોંપવામાં આવી છે. રાજસ્થાન રોયલ્સનો પહેલો મુકાબલો 23 માર્ચે સનરાઈઝર્સ હૈદરાબાદ સાથે થશે. આ મેચમાં રિયાન પરાગ ટોસ કરવા આવતાની સાથે જ તે IPL ઈતિહાસનો ચોથો સૌથી યુવા કેપ્ટન બની જશે. 23 માર્ચે મેચના દિવસે, રિયાન પરાગ 23 વર્ષ અને 133 દિવસનો થશે. આ સિવાય રિયાન IPLમાં રાજસ્થાન રોયલ્સનો સૌથી યુવા કેપ્ટન પણ બનશે.
IPL ઈતિહાસનો સૌથી યુવા કેપ્ટન
જો આપણે IPL ઈતિહાસના સૌથી યુવા કેપ્ટન વિશે વાત કરીએ, તો તેમાં વિરાટ કોહલીનું નામ સૌથી પહેલા આવે છે. વર્ષ 2011 માં, વિરાટને ડેનિયલ વેટોરીની ગેરહાજરીમાં એક મેચમાં RCB ની કેપ્ટનશીપ કરવાની તક મળી. તે સમયે વિરાટ કોહલીની ઉંમર 22 વર્ષ અને 187 દિવસ હતી.
આ લિસ્ટમાં બીજું નામ ઓસ્ટ્રેલિયાના સ્ટાર બેટ્સમેન સ્ટીવ સ્મિથનું છે. વર્ષ 2022 માં, સ્ટીવ સ્મિથ IPL માં પુણે વોરિયર્સનું નેતૃત્વ કરતા જોવા મળ્યા હતા, તે સમયે સ્મિથ 22 વર્ષ અને 344 દિવસનો હતો. ત્રીજા નંબર પર ચેન્નાઈ સુપર કિંગ્સના ભૂતપૂર્વ ખેલાડી સુરેશ રૈનાનું નામ આવે છે. જેમણે 2010 માં 23 વર્ષ અને 112 દિવસની ઉંમરે CSK ની કેપ્ટનશીપ કરી હતી.
