IPL 2025 2.0 17 મેથી શરૂ થઈ રહ્યું છે. આરસીબી અને કેકેઆર વચ્ચેની સીઝનની 58મી મેચ બેંગલુરુના એમ ચિન્નાસ્વામી સ્ટેડિયમ ખાતે રમાશે. ભારત-પાકિસ્તાન તણાવ વચ્ચે IPL એક અઠવાડિયા માટે મુલતવી રાખવામાં આવી હતી.
પરંતુ હવે 17 મેથી IPLનો ઉત્સાહ ફરી શરૂ થવા જઈ રહ્યો છે. આરસીબી અને કેકેઆર વચ્ચેની મેચ પહેલા બીસીસીઆઈએ પણ એક મોટો નિર્ણય લીધો છે. મેચ શરૂ થાય તે પહેલાં ભારતીય સેનાને ખાસ સન્માન આપવામાં આવશે.
ભારતીય સેનાને મળશે સન્માન
બેંગ્લુરુ અને કોલકાતા વચ્ચેની મેચ શરૂ થવાના 5 મિનિટ પહેલા ભારતીય સેનાને ખાસ શ્રદ્ધાંજલિ આપવામાં આવશે. મેચ સાંજે 7:30 વાગ્યે શરૂ થશે. પરંતુ રાષ્ટ્રગીત 7:25 વાગ્યે વગાડવામાં આવશે. બધા ખેલાડીઓ સિવાય સપોર્ટ સ્ટાફ પણ રાષ્ટ્રગીતમાં ભાગ લેશે. BCCI એ ભારતીય સેના માટે આ સમારોહનું આયોજન કર્યું છે, જેમને સમગ્ર દેશને ગૌરવ અપાવ્યું છે.
22 એપ્રિલના રોજ જમ્મુ અને કાશ્મીરના પહલગામમાં એક આતંકવાદી હુમલો થયો હતો, જેમાં 26 નિર્દોષ લોકોએ જીવ ગુમાવ્યા હતા. આ ઘટનાનો બદલો લેવા માટે, ભારતીય સેનાએ ઓપરેશન સિંદૂર શરૂ કર્યું અને પાકિસ્તાન અધિકૃત કાશ્મીરમાં આતંકવાદી છાવણીઓ પર હુમલો કર્યો. આ પછી પાકિસ્તાને ભારતના ઘણા શહેરો પર હુમલો કરવાનો પ્રયાસ કર્યો. પરંતુ ભારતીય સેનાએ પાકિસ્તાન સેનાના પ્લાનને નિષ્ફળ બનાવ્યા.
આ પછી બંને દેશો વચ્ચે યુદ્ધવિરામની જાહેરાત કરવામાં આવી. ભારત પાકિસ્તાન તણાવને કારણે IPL 2025 એક અઠવાડિયા માટે મુલતવી રાખવામાં આવી હતી. પરંતુ હવે IPL 2025 ફરી એકવાર આવી રહ્યું છે. આ પરિસ્થિતિમાં, BCCI એ ભારતીય સેના માટે એક ખાસ પગલું ભર્યું છે.
વિરાટને જોવા માટે ફેન્સની ભારે ભીડ
બેંગલુરુમાં રમાનારી આ મેચમાં ફેન્સની ભારે ભીડ જોવા મળી શકે છે. કારણ કે વિરાટ કોહલી ટેસ્ટ ક્રિકેટમાંથી નિવૃત્તિ લીધા બાદ પહેલીવાર IPLમાં ભાગ લેવા જઈ રહ્યો છે. ફેન્સ વિરાટને જોવા માટે આતુરતાથી રાહ જોઈ રહ્યા છે.
