IPL 2025ની રોયલ ચેલેન્જર્સ બેંગ્લુરુએ ફાઈનલ જીતી. બધા ફેન્સ ખૂબ ખુશ હતા કારણ કે 18 વર્ષની સખત મહેનત બાદ અનુભવી બેટ્સમેન વિરાટ કોહલીએ IPL ટ્રોફી જીતી.
આ સાથે વિરાટ કોહલીએ વધુ એક સિદ્ધિ હાંસલ કરી છે. IPL 2025 શરૂ થાય તે પહેલાં વિરાટ કોહલીના ઈન્સ્ટાગ્રામ પર 270 મિલિયન ફોલોઅર્સ હતા. પરંતુ આ મહત્વપૂર્ણ ટુર્નામેન્ટના અંત પછી વિરાટ કોહલી 273 મિલિયન ફોલોઅર્સ થઈ ગયા છે.
RCBએ તોડ્યા તમામ રેકોર્ડ
રોયલ ચેલેન્જર્સ બેંગ્લુરુએ 18 વર્ષ પછી આઈપીએલ ટ્રોફી પોતાને નામ કરી છે. આ તેમની પહેલી આઈપીએલ ટ્રોફી છે. આ સાથે આરસીબીએ વધુ એક રેકોર્ડ બનાવ્યો છે. આરસીબી ટીમ ઈન્સ્ટાગ્રામ પર સૌથી ઝડપી 1 મિલિયન લાઈક્સ મેળવનારી પહેલી ટીમ બની છે. આરસીબીની ટ્રોફી જીતનારી તસવીરને માત્ર 4 મિનિટમાં 1 મિલિયન લાઈક્સ મળ્યા.
આ પહેલા રેકોર્ડ આર્જેન્ટિનાના નામે હતો. આર્જેન્ટિનાએ જ્યારે વર્લ્ડકપ જીત્યો હતો ત્યારે તેની પોસ્ટને 5 મિનિટમાં 10 લાખ લાઈક્સ મળ્યા હતા. હવે રોયલ ચેલેન્જર્સ બેંગ્લુરુએ પણ આર્જેન્ટિનાના આ રેકોર્ડને તોડી નાખ્યો છે. RCB તરફથી તમામ ખેલાડીઓનું પ્રદર્શન જોરદાર રહ્યું અને તેમણે પંજાબ કિંગ્સ પર ઘણું દબાણ બનાવ્યું.
રોયલ ચેલેન્જર્સ બેંગ્લુરુએ IPL 2025ની જીતી ફાઈનલ
IPL 2025માં RCBએ ખૂબ જ સારું પ્રદર્શન કર્યું. બેંગ્લુરુએ આ સિઝનમાં માત્ર બેટિંગમાં જ નહીં પરંતુ બોલિંગમાં પણ પોતાની છાપ છોડી. વિરાટ કોહલીની વાત કરીએ તો તેને IPL 2025માં પણ શાનદાર બેટિંગ કરી હતી. વિરાટ કોહલીએ IPL 2025 માં 15 મેચમાં 54 થી વધુની એવરેજથી 657 રન બનાવ્યા હતા. તે ઓરેન્જ કેપ રેસમાં ત્રીજા સ્થાને રહ્યો.
પરંતુ વિરાટ કોહલીએ ટ્રોફી જીતીને બધા ફેન્સને ખુશ કરી દીધા. ફાઈનલ મેચમાં વિરાટ કોહલીએ પંજાબ કિંગ્સ સામે 43 રન બનાવ્યા હતા. આ મેચમાં ભુવનેશ્વર કુમારે ચાર ઓવરમાં 38 રન આપીને બે વિકેટ લીધી, જ્યારે કૃણાલ પંડ્યાએ પણ 2 વિકેટ લીધી હતી. મેચની વાત કરીએ તો પહેલા બેટિંગ કરતા રોયલ ચેલેન્જર્સ બેંગ્લુરુએ 190 રન બનાવ્યા, જેના જવાબમાં પંજાબ કિંગ્સ ફક્ત 184 રન જ બનાવી શક્યું હતું.
