IPL 2025ની ફાઈનલની એક ઐતિહાસિક મેચ થવા જઈ રહી છે. 3 જૂન 2025એ નરેન્દ્ર મોદી સ્ટેડિયમમાં રોયલ ચેલેન્જર્સ બેંગ્લુરુ અને પંજાબ કિંગ્સની ટીમ આમને સામને હશે.
આ બંને ટીમ માટે આ સિઝન અત્યાર સુધી ખૂબ જ ખાસ રહી છે.લીગ સ્ટેજમાં આ ટીમ જ ટોપ-2 રહી હતી અને હવે ટાઈટલ જીતવાથી એક પગલું દૂર છે, આ મેચ ફેન્સ માટે ખૂબ જ ખાસ રહેવાની છે. તેમને 9 વર્ષ બાદ એક ખાસ નજારો જોવા મળવાનો છે.
9 વર્ષ બાદ IPLમાં રમાશે આવી ફાઈનલ મેચ
રોયલ ચેલેન્જર્સ બેંગ્લુરુ અને પંજાબ કિંગ્સની નજર હવે પોતાની પહેલી આઈપીએલ ટ્રોફી પર રહેશે. આ નજારો 2016 બાદ પહેલી વાર હશે, જ્યારે ફાઈનલમાં એવી બંને ટીમ આમને સામને હશે, જેમને અત્યાર સુધી એક પણ આઈપીએલ ટ્રોફી જીતી ન હોય. એટલે કે ક્રિકેટ ફેન્સને 9 વર્ષ બાદ એવી ટીમો વચ્ચે ફાઈનલ જોવા મળશે, જેને એક પણ સીઝનમાં ટાઈટલ જીત્યું ન હોય. આનો અર્થ એ છે રે આઈપીએલને તેનું આઠમું ચેમ્પિયન મળશે અને 2022 બાદ આ પહેલી વાર હશે, જ્યાપે કોઈ નવી ટીમ ટાઈટલ જીતશે.
આ પહેલા 2016માં ફાઈનલ મેચ સનરાઈઝર્સ હૈદરાબાદ અને રોયલ ચેલેન્જર્સ બેંગ્લુરુની ટીમ વચ્ચે રમાશે. ત્યારે બંને ટીમો પાસે કોઈ ટાઈટલ ન હતું અને સનરાઈઝર્સ હૈદરાબાદે RCBની હરાવીને પોતાનું પહેલું ટાઈટલ જીત્યું હતું. આ બાદ 2017 થી 2024 સુધી દરેક ફાઈનલમાં ઓછામાં ઓછી એક એવી ટીમ હતી, જે પહેલા ટાઈટલ જીતી હતી. જેમ કે ચેન્નાઈ સુપર કિંગ્સ, મુંબઈ ઈન્ડિયન્સ, અથવા કોલકાતા નાઈટ રાઈડર્સ.
2022 પછી મળશે નવું ચેમ્પિયન
2022માં ગુજરાત ટાઈટન્સે પોતાનું પહેલું ટાઈટલ જીત્યું હતું, જે તેની ડેબ્યૂ સિઝનમાં મોટી સિદ્ધિ હતી. આ બાદ 2023માં ચેન્નાઈ સુપર કિંગ્સ અને 2024 માં કોલકાતા નાઈટ રાઈડર્સે ટાઈટલ જીત્યું, જે પહેલા પણ ચેમ્પિયન રહી ચૂક્યા હતા. પરંતુ 2025 માં આરસીબી અને પીબીકેએસ વચ્ચે થનારી ફાઈનલ મેચમાં એક નવો ચેમ્પિયન મળશે, જે 2022 બાદ પહેલીવાર આવું થશે.
IPLના 17 સીઝનના ઈતિહાસમાં અત્યાર સુધી 7 ટીમ ચેમ્પિયન બની ચૂકી છે. રાજસ્થાન રોયલ્સ (2008), ડેક્કન ચાર્જર્સ (2009), ચેન્નાઈ સુપર કિંગ્સ (2010, 2011, 2018, 2021, 2023), કોલકાતા નાઈટ રાઈડર્સ (2012, 2014, 2024), મુંબઈ ઈન્ડિયન્સ (2013, 2015, 2017, 2019, 2020), સનરાઈઝર્સ હૈદરાબાદ (2016) અને ગુજરાત ટાઈટન્સ (2022). હવે 2025માં વિનર ગમે તે હોય પરંતું આઈપીએલને આઠમું ચેમ્પિયન મળશે તે નિશ્ચિત છે.
