IPL 2025 આજથી શરૂ થવા જઈ રહી છે. IPLની નવી સિઝનની પ્રથમ મેચ KKR અને RCB વચ્ચે થવાની છે. પહેલી જ મેચમાં સખત સ્પર્ધા થશે. આ મેચ ઈડન ગાર્ડનમાં યોજાવા જઈ રહી છે અને શાહરૂખ ચોક્કસપણે પોતાની ટીમને ચીયર કરવા જશે. શાહરૂખ ખાન KKRનો કો-ઓનર છે. દર વખતે પોતાની ટીમને શાહરુખ કરોડોની કમાણી કરાવે છે.
IPL 2024ની ટ્રોફી શાહરૂખ ખાનની ટીમ કોલકાતા નાઈટ રાઈડર્સે લીધી હતી. શાહરૂખ આ વર્ષે પણ પોતાની ટીમ પાસેથી આશાઓ રાખી રહ્યો છે. શાહરૂખ માત્ર ફિલ્મોમાંથી જ સારી કમાણી નથી કરતો પણ IPLમાંથી પણ કમાણી કરે છે. આવો તમને જણાવીએ કે શાહરૂખ ખાન કેટલા પૈસા કમાય છે.
દર વર્ષે શાહરુખ IPL માંથી કમાય છે આટલા રુપિયા
મિડીયા રિપોર્ટસ અનુસાર દરેક IPL ટીમને ટીવી પ્રસારણ અને બીસીસીઆઈ તરફથી સ્પોન્સરશિપમાંથી આવકનો અમુક હિસ્સો મળે છે. આ સિવાય શાહરૂખ પોતાની ટીમ દ્વારા બ્રાન્ડ એન્ડોર્સમેન્ટ, મેચ ફી, ફ્રેન્ચાઈઝી ફી, BCCI ઈવેન્ટ રેવન્યુ અને ઈનામી રકમના રૂપમાં ઘણી કમાણી કરે છે. જેનાથી કરોડોની કમાણી થાય છે. રિપોર્ટસ અનુસાર શાહરુખ દર વર્ષે IPL માં પોતાની ટીમામાંથી 250-270 કરોડ કમાય છે.
શાહરુખ આમાંથી 100 કરોડ પોતાની ટીમ પર ખર્ચ પણ કરે છે. આ ખર્ચો ટીમના ખેલાડી ખરીદવાથી લઈને તેના મેનેજમેન્ટનો હોય છે. જે અનુસાર કેકેઆર લગભગ 150 કરોડ કમાય છે. ટીમમાં શાહરુખ ખાનની ભાગીદારી 55 ટકા હોય છે. આ ગણતરી અનુસાર તેઓ દર વર્ષે 70 થી 80 કરોડ કમાય છે.
જણાવી દઈએ કે KKRમાં શાહરુખના પાર્ટનર બીજુ કોઈ નહીં પણ જૂહી ચાવલા અને તેના પતિ જય મહેતા છે. આ ત્રણેને મેચ દરમિયાન સાથે જોઈ શકાય છે.
