SRH Vs LSG Live: હૈદરાબાદ અને લખનૌ વચ્ચે ટક્કર, કોણ મારશે બાજી?

ઈન્ડિયન પ્રીમિયર લીગની 18મી સીઝનની સાતમી મેચ સનરાઈઝર્સ હૈદરાબાદ અને લખનૌ સુપર જાયન્ટ્સ વચ્ચે રમાશે. આ મેચમાં લખનૌના બિનઅનુભવી બોલિંગ યુનિટ માટે ભૂલ માટે બહુ ઓછી જગ્યા છે કારણ કે સનરાઇઝર્સ હૈદરાબાદના બેટ્સમેનો કોઈપણ પ્રકારના આક્રમણને તોડી પાડવામાં માહિર છે. હૈદરાબાદે રાજસ્થાન સામે આઈપીએલનો બીજો સૌથી મોટો સ્કોર 286 રન બનાવ્યા હતા. પેટ કમિન્સની આગેવાની હેઠળની હૈદરાબાદે ગયા સિઝનમાં પણ રાજીવ ગાંધી ઈન્ટરનેશનલ સ્ટેડિયમમાં વિસ્ફોટક સ્કોર બનાવ્યો હતો અને આ વખતે પણ તેઓએ પહેલા કરતા સારી શરૂઆત કરી છે. બીજી તરફ રિષભ પંતની ટીમ બેટિંગમાં ખૂબ જ મજબૂત જોવા મળે છે પરંતુ બોલિંગ ચિંતાનો વિષય છે. લખનૌને તેની પહેલી મેચમાં દિલ્હી કેપિટલ્સ સામે ખૂબ જ રોમાંચક મેચમાં હારનો સામનો કરવો પડ્યો હતો.