અભિષેક શર્માની રેકોર્ડ સદી સાથે, સનરાઈઝર્સ હૈદરાબાદે પંજાબ કિંગ્સ દ્વારા આપવામાં આવેલા 246 રનના લક્ષ્યને 19મી ઓવરમાં પ્રાપ્ત કરીને ઈતિહાસ રચ્યો. આ IPLના ઈતિહાસમાં બીજો સૌથી મોટો સફળ રન ચેઝ છે.
અભિષેકે 55 બોલમાં 141 રનની શાનદાર ઈનિંગ રમી. તેને ટ્રેવિસ હેડ સાથે મળીને પ્રથમ વિકેટ માટે 171 રનની પાર્ટનરશિપ કરી. 246 રનના વિશાળ લક્ષ્યનો પીછો કરતા, અભિષેક શર્મા અને ટ્રેવિસ હેડે ધમાકેદાર શરૂઆત આપી.
અભિષેકે 19 બોલમાં પોતાની અડધી સદી પૂરી કરી, હેડે 32 બોલમાં પોતાની અડધી સદી પૂરી કરી. જ્યારે પંજાબ કિંગ્સને પહેલી વિકેટ મળી ત્યારે ઘણું મોડું થઈ ગયું હતું. 13મી ઓવરના બીજા બોલ પર હેડ યુઝવેન્દ્ર ચહલના હાથે કેચ આઉટ થયો. તેને 37 બોલમાં 3 છગ્ગા અને 9 ચોગ્ગાની મદદથી 66 રન બનાવ્યા.
અભિષેક શર્માની ઐતિહાસિક ઈનિંગ્સ
હેડ આઉટ થયા પછી પણ અભિષેક શર્માનું બેટ અટક્યું નહીં. તેને 40 બોલમાં પોતાની સદી પૂરી કરી. આ પછી પણ, તેને પંજાબ કિંગ્સના બોલરો પર સતત પ્રહાર કર્યો અને ચોગ્ગા-છગ્ગાનો વરસાદ વરસાવ્યો. સનરાઈઝર્સ હૈદરાબાદનો સ્કોર 222 રન હતો ત્યારે તે 17મી ઓવરમાં આઉટ થયો, તેને ટીમને જીતના ઉંબરે પહોંચાડી દીધી હતી. અભિષેકે 55 બોલમાં 141 રનની ઈનિંગ રમી, જેમાં તેને 10 છગ્ગા અને 14 ચોગ્ગા ફટકાર્યા. આ IPLના ઈતિહાસમાં અભિષેકની પહેલી સદી છે.
અભિષેક શર્માએ કેએલ રાહુલનો તોડ્યો રેકોર્ડ
અભિષેકે 55 બોલમાં 141 રન બનાવ્યા, જેમાં તેને 10 છગ્ગા અને 14 ચોગ્ગા ફટકાર્યા. આ IPLના ઈતિહાસમાં અભિષેકની પહેલી સદી છે. તે પહેલાથી જ એક જ IPL ઈનિંગ્સમાં સૌથી વધુ રન બનાવનાર બેટ્સમેન બની ગયો છે, અને તેને KL રાહુલ (132) નો રેકોર્ડ તોડ્યો છે.
PBKS ના 8 ખેલાડીઓ બોલ્ડ થયા
આ મેચમાં શ્રેયસ ઐયરના નેતૃત્વ હેઠળ પંજાબ કિંગ્સના 8 ખેલાડીઓએ બોલિંગ કરી હતી. ફક્ત અર્શદીપ અને ચહલે જ 4-4 ઓવરનો પોતાનો સંપૂર્ણ ક્વોટા ફેંક્યો. અર્શદીપે 37 રન આપીને 1 વિકેટ લીધી. સૌથી મોંઘો માર્કો જાનસેન હતો, જેને 2 ઓવરમાં 39 રન આપ્યા. યશ ઠાકુરે 2.3 ઓવરમાં 40 રન આપ્યા અને ગ્લેન મેક્સવેલે 3 ઓવરમાં 40 રન આપ્યા. અર્શદીપે એક વિકેટ અને યુઝવેન્દ્ર ચહલે એક વિકેટ લીધી.
શ્રેયસ ઐયરની ઈનિંગ્સ વ્યર્થ ગઈ!
આ પહેલા, શ્રેયસ ઐયરની શાનદાર ઈનિંગની મદદથી પંજાબ કિંગ્સે 245 રનનો વિશાળ સ્કોર બનાવ્યો હતો. તેને 36 બોલમાં 6 છગ્ગા અને એટલા જ ચોગ્ગાની મદદથી 82 રન બનાવ્યા. પ્રિયાંશ આર્ય (36) અને સિમરન સિંહ (42) ના રૂપમાં બંને ઓપનરોએ ટીમને મજબૂત શરૂઆત અપાવી. માર્કસ સ્ટોઈનિસે છેલ્લી ઓવરમાં 4 છગ્ગા ફટકાર્યા.
સનરાઈઝર્સ હૈદરાબાદ માટે મોહમ્મદ શમીએ સૌથી વધુ રન આપ્યા. તેને પોતાના 4 ઓવરના સ્પેલમાં 75 રન આપ્યા, જે IPLના ઈતિહાસમાં બીજો સૌથી મોંઘો સ્પેલ બન્યો. પરંતુ તેની મોંઘી ઓવરોની ભરપાઈ ટ્રેવિસ હેડ અને અભિષેક શર્માની બેટિંગ જોડીએ કરી.
