IPL 2025માં આજે 2 મેચો યોજાવા જઈ રહી છે. પ્રથમ મેચમાં રાજસ્થાન રોયલ્સનો મુકાબલો સનરાઈઝર્સ હૈદરાબાદ સાથે થશે જ્યારે બીજા મેચમાં ચેન્નાઈ સુપર કિંગ્સ અને મુંબઈ ઈન્ડિયન્સ વચ્ચે ટક્કર થશે. પ્રથમ મેચ હૈદરાબાદમાં અને બીજી મેચ ચેન્નાઈમાં રમાશે. આજે ચાહકોનું સંપૂર્ણ મનોરંજન કરવામાં આવશે. ફેન્સનો ફેવરિટ એમએસ ધોની પણ આજે એક્શનમાં જોવા મળશે. બંને મેચ અલગ-અલગ સમયે શરૂ થશે. સીઝન-18ની પ્રથમ મેચ KKR અને RCB વચ્ચે રમાઈ હતી, જે નિર્ધારિત કરતાં થોડી મોડી શરૂ થઈ હતી. આજે યોજાનારી બંને મેચ સમયસર શરૂ થશે કે કેમ તે પ્રશ્ન છે.
SRH vs RR મેચનો સમય
રાજીવ ગાંધી ઈન્ટરનેશનલ સ્ટેડિયમમાં આજે પ્રથમ મેચ સનરાઈઝર્સ હૈદરાબાદ અને રાજસ્થાન રોયલ્સ વચ્ચે રમાશે. આ મેચ બપોરે 3.30 કલાકે શરૂ થશે. મેચ માટે ટોસ બપોરે 3 વાગ્યે થશે. આ મેચમાં રાજસ્થાન રોયલ્સનું નેતૃત્વ સંજુ સેમસન નહીં પરંતુ રિયાન પરાગ કરશે.
CSK vs MI મેચનો સમય
આજે બીજી મેચ ચેન્નાઈના ચેપોકમાં ચેન્નાઈ સુપર કિંગ્સ અને મુંબઈ ઈન્ડિયન્સ વચ્ચે રમાશે. આ મેચ સાંજે 7:30 વાગ્યે શરૂ થશે, જ્યારે મેચ માટે ટોસ સાંજે 7 વાગ્યે થશે. હાર્દિક પંડ્યા આ મેચમાં મુંબઈ ઈન્ડિયન્સનો ભાગ નહીં હોય, જેના કારણે સૂર્યકુમાર યાદવ કેપ્ટનશિપ કરતા જોવા મળશે.
સીઝન-18ની પ્રથમ મેચ KKR અને RCB વચ્ચે રમાઈ હતી
IPL 2025 સિઝન-18ની પ્રથમ મેચ KKR અને RCB વચ્ચે રમાઈ હતી. આ મેચ પહેલા ઈડન ગાર્ડન્સ સ્ટેડિયમમાં શાનદાર ઓપનિંગ સેરેમની જોવા મળી હતી. જેના કારણે મેચ થોડી મોડી શરૂ થઈ હતી. પ્રથમ મેચમાં RCBનો 7 વિકેટે વિજય થયો હતો.
