IPL 2025માં 5 મેના રોજ દિલ્હીના અરુણ જેટલી સ્ટેડિયમ ખાતે સનરાઈઝર્સ હૈદરાબાદ અને દિલ્હી કેપિટલ્સ વચ્ચે રમાઈ હતી. આ મેચ દરમિયાન, જ્યારે કરુણ નાયરના આઉટ થયા પછી અભિષેક પોરેલ બેટિંગ કરવા આવ્યો.
જ્યારે અભિષેક પોરેલ આવ્યો ત્યારે અમ્પાયરોએ તેનું બેટ ચેક કર્યું. વાસ્તવમાં તે ખાતરી કરવા માગતા હતા કે તેનું બેટ ક્રિકેટના ધોરણો પ્રમાણે હોય. તમને જણાવી દઈએ કે ક્રિકેટમાં બેટની બાજુના નિયમો શું છે.
જ્યારે અભિષેક પોરેલ બેટિંગ કરવા માટે બહાર આવ્યો, ત્યારે અમ્પાયરે અભિષેક પોરેલનું બેટ તપાસવા માટે એક ડિવાઈઝનો ઉપયોગ કર્યો. અમ્પાયરે ખાતરી કરી હતી કે તેમના બેટ IPLના નિયમો અનુસાર છે કે નહીં. આઈપીએલના નિયમ 5.7 મુજબ બેટનું નિરીક્ષણ કરવામાં આવ્યું હતું.
નિયમોનું ઉલ્લંઘન કરવા બદલ બેટ્સમેનને થશે દંડ?
IPLમાં, આ નિયમ બેટના કદને લગતો છે. પરંતુ આ સમય દરમિયાન નિયમોનું ઉલ્લંઘન કરવા બદલ બેટ્સમેન પર દંડની કોઈ જોગવાઈ નથી. બેટ્સમેનને ફક્ત તેનું બેટ બદલવાનું કહેવામાં આવે છે.
આ પરિસ્થિતિમાં, સવાલ એ છે કે ક્રિકેટમાં બેટ અંગેના નિયમો શું છે? ક્રિકેટમાં બેટના બે ભાગ હોય છે, પહેલો ભાગ હેન્ડલ અને બીજો ભાગ બ્લેડ હોય છે. હેન્ડલ અને બેટ બંને લાકડાના બનેલા છે અને સારી પકડ માટે હેન્ડલમાં રબરની પકડ છે.
બેટની બ્લેડ અંગે નિયમો
હેન્ડલ સિવાય, બ્લેડ અંગે નિયમો છે કે તેની કુલ લંબાઈ 38 ઈંચ અથવા 96.52 સેન્ટિમીટરથી વધુ ન હોઈ શકે. બ્લેડની પહોળાઈ મહત્તમ 4.25 ઈંચ હોઈ શકે છે. બેટની ઊંડાઈ 2.64 ઈંચથી વધુ ન હોવી જોઈએ, અને કિનારીઓ 1.56 ઈંચથી વધુ ન હોવી જોઈએ. હેન્ડલની કુલ લંબાઈ 52% હોવી જોઈએ.
