ક્રિકેટર યુઝવેન્દ્ર ચહલ અને ધનશ્રી વર્મા ઘણા સમયથી ચર્ચામાં છે. ચહલ અને ધનશ્રીના છૂટાછેડાના સમાચાર ઘણા સમયથી ચાલી રહ્યા હતા પરંતુ આ કપલે મૌન જાળવી રાખ્યું છે. ધનશ્રી અને ચહલ અલગ થઈ ગયા છે અને પોતાના જીવનમાં આગળ વધી ગયા છે. આ દરમિયાન, યુઝવેન્દ્ર ધનશ્રીને કેટલું ભરણપોષણ આપવાના છે તે અંગે સમાચાર આવ્યા છે.
ચહલે ધનશ્રીને આપ્યા પૈસા?
મીડિયા રિપોર્ટ મુજબ ચહલ ધનશ્રીને 4 કરોડ 75 લાખ રૂપિયા આપશે. જેમાંથી તેને 2 કરોડ 37 લાખ રૂપિયા ચૂકવી દીધા છે. રિપોર્ટ મુજબ સમાધાનની શરતો મુજબ, ચહલે ધનશ્રીને 4 કરોડ 75 લાખ રૂપિયાનું કાયમી ભરણપોષણ આપવા સંમતિ આપી હતી, જેમાંથી 2 કરોડ 37 લાખ 55 હજાર રૂપિયા પહેલાથી જ આપવામાં આવી ચૂક્યા છે. ફેમિલી કોર્ટે બાકીની રકમ ન ચૂકવવાને બિન-પાલન ગણ્યું.
ધનશ્રીએ 60 કરોડ રૂપિયા માંગ્યા હતા?
મીડિયા રિપોર્ટ મુજબ એવું કહેવામાં આવ્યું હતું કે ધનશ્રીએ ભરણપોષણ તરીકે 60 કરોડ રૂપિયા માંગ્યા હતા. પરંતુ ધનશ્રીના પરિવારે આ દાવાને નકારી કાઢ્યો હતો. ધનશ્રીના પરિવારના એક સભ્યએ એક નિવેદન બહાર પાડીને ભરણપોષણના અહેવાલોને પાયાવિહોણા ગણાવ્યા. પરિવારના સભ્યએ વાયરલ દાવાઓ પર નિરાશા વ્યક્ત કરી અને બધાને પાયાવિહોણી માહિતી ન ફેલાવવા વિનંતી કરી. સભ્યએ સ્પષ્ટતા કરી કે ધનશ્રી વર્માએ ક્યારેય ચહલ પાસેથી કોઈ ભરણપોષણ માંગ્યું નથી.
તમને જણાવી દઈએ કે ધનશ્રી અને યુઝવેન્દ્ર ચહલના લગ્ન 2020 માં થયા હતા. બંને લગભગ એક વર્ષથી અલગ રહેતા હતા. આ મહિને તેમના છૂટાછેડાને અંતિમ સ્વરૂપ આપવામાં આવ્યું. પરંતુ બંનેએ હજુ સુધી આ અંગે કોઈ પ્રતિક્રિયા આપી નથી.
2020માં કર્યા લગ્ન
ધનશ્રી અને ચહલ કોવિડ દરમિયાન એકબીજાને મળ્યા હતા જ્યારે તે ડાન્સ ક્લાસ માટે જતો હતો. બંનેએ વર્ષ 2020માં લગ્ન કર્યા. તેમના છૂટાછેડાના સમાચાર ત્યારે ચર્ચામાં આવ્યા જ્યારે ધનશ્રીએ ઈન્સ્ટાગ્રામ પરથી ચહલ અટક દૂર કરી દીધી.
