- આ પદ પર પહોંચનાર પ્રથમ મહિલા IPS અધિકારી
- નીના સિંહ અગાઉ CISFના ADG બન્યા હતા
- રાજસ્થાનની પ્રથમ મહિલા ડીજી પણ રહી ચૂક્યા
રાજસ્થાન કેડરના વરિષ્ઠ IPS અધિકારી નીના સિંહને કેન્દ્રીય ઔદ્યોગિક સુરક્ષા દળ (CISF)ના ડીજી બનાવવામાં આવ્યા છે. નીના સિંહ આ પદ પર પહોંચનાર પ્રથમ મહિલા અધિકારી છે. નીના સિંહ મૂળ બિહારના છે. તેમના પતિ રોહિત કુમાર સિંહ પણ રાજસ્થાન કેડરના IAS ઓફિસર છે. નીના સિંહ અગાઉ CISFના એડિશનલ ડાયરેક્ટર જનરલ (ADG) હતા. હવે તેમને ડીજી બનાવવામાં આવ્યા છે અને કેન્દ્રીય ઔદ્યોગિક સુરક્ષા દળની સંપૂર્ણ કમાન્ડ આપવામાં આવી છે.
જાણવા મળે છે કે નીના સિંહ મૂળ બિહારની રાજધાની પટનાની છે. તે રાજસ્થાન કેડરના આઈપીએસ અધિકારી છે. તે રાજસ્થાનની પ્રથમ મહિલા ડીજી પણ રહી ચૂક્યા છે. નીના સિંહ એક શાર્પ આઈપીએસ તરીકે ઓળખાય છે. તેમના કામ માટે તેમને 2005માં પોલીસ મેડલ એનાયત કરવામાં આવ્યો હતો. નીના સિંહે અમેરિકાની હાર્વર્ડ યુનિવર્સિટીમાંથી અભ્યાસ કર્યો છે.
જાણો કોણ છે નીના સિંહ?
નીના સિંહ રાજસ્થાન કેડરના 1989 બેચના IPS અધિકારી છે. અત્યાર સુધી તે CISF (કેન્દ્રીય ઔદ્યોગિક સુરક્ષા દળો)માં ADGની જવાબદારી નિભાવી રહ્યા હતા. રાજસ્થાન પોલીસમાં ડીજીનું પદ મેળવનાર તે પ્રથમ મહિલા અધિકારી છે. આ પહેલા તેઓ કેન્દ્ર સરકારમાં પણ રહી ચૂક્યા છે.
PNB કૌભાંડ અને નીરવ મોદી કેસની તપાસમાં પણ હતા સામેલ
IPS નીના સિંહ સેન્ટ્રલ બ્યુરો ઑફ ઇન્વેસ્ટિગેશન (CBI)માં જોઈન્ટ ડિરેક્ટર તરીકે કામ કરી ચૂક્યા છે. CBIમાં તેમના કાર્યકાળ દરમિયાન, તેઓ ભ્રષ્ટાચાર વિરોધી, આર્થિક ગુનાઓ, બેંક છેતરપિંડી અને રમતની અખંડિતતા સાથે સંબંધિત ઘણા હાઇ-પ્રોફાઇલ કેસોની તપાસનો ભાગ રહ્યા હતા. જેમાં તેઓ PNB કૌભાંડ અને નીરવ મોદી સહિતના મહત્વના કેસોની તપાસનો પણ ભાગ હતા.
