ઈરાન અને ઈઝરાયલ વચ્ચેના યુદ્ધને જોતા દુનિયામાં મહાયુદ્ધના ભણકારા વાગી રહ્યા છે. ઈઝરાયલ તરફથી ઈરાન પર કરવામાં આવેલી જીવલેણ એર સ્ટ્રાઈકમાં 78 લોકોના મોત નિપજ્યા છે અને હજારો લોકો જખ્મી થયા છે. જે અંતર્ગત ઈરાને પણ ઈઝરાયલ પર કાર્યવાહી કરીને તેના સૈન્ય ઠેકાણાઓ અને નાગરિકો પર હુમલા કર્યા છે.
આ વચ્ચે ઈરાને પશ્ચિમી દેશોને મોટી વોર્નિંગ આપી છે. ઈરાને નિવેદન આપતા જણાવ્યું હતું કે પશ્ચિમિ દેશોએ જો ઈઝરાયલનો સાથ આપ્યો તો તેનું પરિણામ ભોગવવુ પડશે. ઈરાન તરફથી કહેવામાં આવ્યું છે કે જો પશ્ચિમી દેશો એરસ્ટ્રાઈક રોકવામાં ઈઝરાયલની મદદ કરશે તો અમેરિકા, બ્રિટન અને ફ્રાન્સના સૈન્ય ઠેકાણાઓ અને તેમના જહાજોને નિશાન બનાવવામાં આવશે.
નેતન્યાહૂએ ઇરાનને ચેતવણી આપતા કહ્યું કે આ તો માત્ર શરૂઆત છે. હજી વધારે તબાહી થવાની બાકી છે.સ્હેજ પર છોડવામાં નહી આવે. અમારો ઉદ્દેશ્ય ઇઝરાયલના અસ્તિત્વની સક્ષમ બનેલા ઇરાનના ખતરાને તબાહ કરવાનો છે. આ ઓપરેશન ત્યાં સુધી ચાલુ રાખવામાં આવશે જ્યાં સુધી આ ખતરાને સંપૂર્ણ ખતમ નહી કરી દેવામાં આવે..
ઇરાન અમારા દેશ માટે ખતરો- નેતન્યાહૂ
તેમણે વધુમાં કહ્યું કે ઇરાન પરમાણુ હથિયાર મેળવવાની નજીક છે તેવી ગુપ્ત માહિતી મળી હતી., હાલના વર્ષોમાં ઇરાને પરમાણુ બોમ્બ બનાવવા માટે યુરેનિયમ મેળવી લીધુ છે. જે ન માત્ર ઇઝરાયલ પરંતુ આખી દુનિયા માટે ગંભીર ખતરો છે. અમે અનુમતિ આપી શકીએ નહી કે ઇરાન પરમાણુ હથિયાર વિકસિત કરે. આ અમારો દેશ અને અમારા બાળકોના ભવિષ્યને ખતરો છે.
