ઈરાન પાસે ઇઝરાયેલના પરમાણુ કાર્યક્રમના દસ્તાવેજોનો ખજાનો હાથ લાગ્યો હોવાનો દાવો કરવામાં આવ્યો છે. આગામી સમયમાં ઇન્ટરનેશનલ એટોમીક એનર્જી એજન્સી (IAEA) ની બેઠક મળવાની છે તેના પહેલા આ દાવો કરાતાં ઈરાન ઉપર નવા પ્રતિબંધ લાગી શકે તેમ છે. તો ઇઝરાયેલના નેતનયાહૂ સામે એક પ્રકારનો જવાબી હુમલો છે.
ઈરાન અને ઇઝરાયેલ વચ્ચે પરમાણુ કાર્યક્રમોના તણાવ વધુ એક વખત સામે આવ્યા છે. ઇરાનના ગુપ્તચર મંત્રી ઈસ્માઈલ ખાતીબે રવિવારે એવું નિવેદન જાહેર કર્યું કે, ઇઝરાયેલની રાજનૈતિક, ઓપરેશનલ સહિતની જાણકારી મળી છે. આ દસ્તાવેજો આધારિત જાણકારી જલદીથી સાર્વજનિક કરવામાં આવશે. જોકે ફાઈલો કબજે કરી હોવાના કોઈ આધારો અપાયા નથી.
ઈરાન 2018 નો બદલો લેવાની ફિરાકમાં ?
નિષ્ણાતોના માનવ મુજબ 2018માં ઇઝરાયેલ દ્વારા ઇરાનના પરમાણુ કાર્યક્રમના દસ્તાવેજ ચોરવાના બદલામાં હાલનો દાવો કરાયો છે. 2018 ના બદલામાં ઇરાને પણ ઇઝરાયેલના દસ્તાવેજો હાથ લાગ્યા હોવાની વાત કરી છે.
ઈરાન હાલમાં દબાવમાં
ઇન્ટરનેશનલ એટોમીક એનર્જી એજન્સી (IAEA) ની બેઠક મળવાની છે ત્યારે ઈરાન પોતે પણ આંતરરાષ્ટ્રીય દબાવમાં છે. ઈરાનને પશ્ચિમી દેશો સહયોગ ન આપીને મુશ્કેલી ઉભી કરી શકે છે. જો આ મામલો સંયુક્ત રાષ્ટ્ર પરિષદમાં પહોંચે તો પરમાણુ કાર્યક્રમ પ્રકરણમાં પ્રતિબંધો લદાવી શકે છે. દરમિયાન ઈરાન અને અમેરિકાની પરમાણુ કાર્યક્રમ સંદર્ભે થયેલી વાતચીત અટવાય એમ લાગે છે. ઇરાને એવો સંકેત પણ આપ્યો છે કે તે અમેરિકાના નવા પ્રસ્તાવને નહીં સ્વીકારે.
તો ઇઝરાયેલ કે અમેરિકા ઉપર હુમલાની શંકા
ઈરાન અત્યારે 60 % યુરેનિયમ એકત્ર કરી ચૂક્યું છે અને 90 % હથિયારી રીતે માત્ર એકાદ પગલું જ દૂર છે. જો આ દરમિયાન વાટાઘાટો નિષ્ફળ રહી તો ઈરાન IAEAથી સંપૂર્ણ અલગ થઈ જશે અને પરમાણુ હથિયાર તરફ આગળ વધશે. જો આમ થયું તો અમેરિકા કે ઇઝરાયેલ ઉપર હુમલાની આશંકા વધી જાય છે.
