- શુભમન – સારાનું અફેર ગૂગલ પર સૌથી વધુ સર્ચ કરાયું
- સારા અલી ખાનને પણ ખૂબ સર્ચ કરી
- લોકોએ ગિલને નસીબદાર ગણાવ્યો
વર્ષ 2023 થોડા દિવસમાં પુરૂ થવા જઇ રહ્યું છે, લોકો 2024ના આગમનની રાહ જોઈ રહ્યા છે. આ દરમિયાન દુનિયાના સૌથી મોટા સર્ચ એન્જિન ગૂગલે તેનું સર્ચ લિસ્ટ જાહેર કર્યું છે, જેમાં તેણે એવા લોકોના નામ આપ્યા છે, જેમના પ્રેમની ચર્ચા આખા વર્ષ દરમિયાન થઈ રહી છે, પરંતુ હજુ સુધી એ સ્પષ્ટ નથી થયું કે બંને વચ્ચે પ્રેમ છે કે નહીં. પરંતુ અફેરની અફવાઓ વચ્ચે તે ચર્ચિત રહ્યા અને તેથી જ તેમને ગૂગલ પર સૌથી વધુ સર્ચ કરવામાં આવ્યા.
જો કે આ લિસ્ટમાં બોલિવૂડના ઘણા સ્ટાર્સ છે, પરંતુ આ લિસ્ટમાં જે લોકોના નામ ટોપ પર છે તે ચોંકાવનારા છે.
શુભમન – સારાનું અફેર ગૂગલ પર સૌથી વધુ સર્ચ કરાયુ
એ વાત જાણીતી છે કે ટીમ ઈન્ડિયાના સ્ટાર ઓપનર શુભમન ગિલ અને ભારત રત્ન સચિન તેંડુલકરની પુત્રી સારા તેંડુલકર આખું વર્ષ તેમના અફેરને લઈને ચર્ચામાં છે અને તેથી જ લોકોએ તેને ગૂગલ પર સૌથી વધુ સર્ચ કર્યું છે. એટલું જ નહીં, લોકોએ બંનેની અલગ-અલગ પ્રોફાઈલ પણ સર્ચ કરી અને એ જાણવાની કોશિશ પણ કરી કે, બંને ક્યારે, કેવી રીતે અને ક્યાં મળ્યા?
સારા અને ગિલ રિલેશનશિપમાં છે કે નહીં?
નવાઈની વાત એ છે કે સારા અને ગિલ રિલેશનશિપમાં છે કે નહીં તેની કોઈને ખબર નથી. સચિનના પક્ષમાંથી કે ગિલના પરિવાર તરફથી આ વિશે કંઈ કહેવામાં આવ્યું નથી, પરંતુ લોકો સોશિયલ મીડિયા પર આ બંને વિશે ઘણી વાતો કરે છે. કેટલાક લોકોએ તેને પરફેક્ટ જોડી ગણાવી છે જ્યારે કેટલાક લોકોએ ગિલને નસીબદાર ગણાવ્યો છે કે ‘તેને ક્રિકેટના ભગવાનનો જમાઈ બનવાનો મોકો મળી રહ્યો છે.’
સોશિયલ મીડિયા પર વાયરલ થઈ ફેક તસવીર
તમને જણાવી દઈએ કે થોડા સમય પહેલા સારા તેંડુલકર અને શુમન ગિલની એક ક્લોઝ-અપ તસવીર પણ સોશિયલ મીડિયા પર વાયરલ થઈ હતી, જેમાં બંને સાથે જોવા મળે છે. પરંતુ પાછળથી તે તસવીર ફેક હોવાનું જાણવા મળ્યું હતું.
સારા અલી ખાનને પણ ઘણી સર્ચ કરવામાં આવી
લોકોએ માત્ર શુભમન ગિલ અને સારા તેંડુલકરને ગૂગલ પર જ સર્ચ કર્યા નથી પરંતુ સારા અલી ખાનને પણ ખૂબ સર્ચ કરી છે કારણ કે પિક્ચર ક્લિયર ન હોવાને કારણે કેટલાક લોકો એવું માને છે કે શુભમન ગિલ જેના પ્રેમમાં છે તે સારા તેંડુલકર નહીં પરંતુ તે સારા અલી ખાન છે કારણ કે થોડા દિવસો પહેલા આ સમાચાર પણ આવ્યા હતા કે સારા અલી ખાન પણ એક ક્રિકેટરને ડેટ કરી રહી છે.
શું આગામી વર્ષમાં આ રહસ્ય ખુલશે?
જોકે, બાદમાં આ પણ અફવા સાબિત થઈ. હાલમાં જે કન્ફ્યુઝન છે, જે આ વર્ષે દૂર થયું નથી, આશા છે કે આવતા વર્ષ 2024માં આ રહસ્ય ખુલે.
આ કપલને કરાયા સૌથી વધુ સર્ચ
- શુભમન ગિલ-સારા તેંડુલકર
- અનન્યા પાંડે-આદિત્ય રોય કપૂર
- સોનાક્ષી સિંહા-ઝહીર ઈકબાલ
- વિજય વર્મા-તમન્ના ભાટિયા
- પલક તિવારી-ઈબ્રાહિમ અલી ખાન
- મલાઈકા અરોરા-અર્જુન કપૂર
- સિદ્ધાંત ચતુર્વેદી-નવ્યા નવેલી નંદા
- બાદશાહ-હાનિયા (પાકિસ્તાની અભિનેત્રી)
