ઈઝરાયલી સેનાએ 13 જુન, શુક્રવારના રોજ સમગ્ર ઈરાનમાં પરમાણુ ઠેકાણાઓ અને અન્ય સ્થળોને નિશાન બનાવીને ઘણા હવાઈ હુમલાઓ કર્યા હતા. જેમાં વરિષ્ઠ ઈરાની સૈન્ય અધિકારી અને પરમાણુ વૈજ્ઞાનિકનું મૃત્યુ નિપજ્યુ હતું. ઈરાની રાજ્ય મીડિયાએ આ વાતની પૃષ્ટિ કરી હતી કે હુમલામાં ઈરાનના રિવોલ્યૂશનરી ગાર્ડસના કમાન્ડર હોસૈન સલામીનું મૃત્યુ નિપજ્યુ છે. આ સાથે ઓપરેશન રાઈઝિંગ લાયનના નામથી શરુ આ એટેકમાં ઈરાન સશસ્ત્ર બળના ચીફ ઓફ સ્ટાફ મોહમ્મદ બાદેરીનું મૃત્યુ નિપજ્યું હતું. આ સિવાય પરમાણું વૈજ્ઞાનિક મોહમ્મદ મેહદી તેહરાનચી અને ફેરેયદૌન અબ્બાસીનું પણ મૃત્યુ નિપજ્યું હતું.
ઇઝરાયલે વહેલી સવારે આ હુમલો કર્યો હતો ઇરાની મીડિયાએ જણાવ્યુ કે તેહરાનમાં વિસ્ફોટના અવાજો અને ધણધણાટી હજુ પણ સંભળાઇ રહી છે. ઇઝરાયલે કહ્યુ કે તેહરાન દ્વારા મિસાઇલ અને ડ્રોન હુમલાની આશંકાને લઇને કટોકટીની સ્થિતિની ઘોષણા કરી દીધી છે. ઇઝરાયલના એક સૈન્ય અધિકારીએ કહ્યુ કે ઇઝરાયલમાં અનેક પરમાણુ અને સૈન્યને ટાર્ગેટ પર હુમલો કર્યો હતો.
પ્રધાનમંત્રી બેંજામિન નેતન્યાહુએ કહ્યુ કે અને નતાંજમાં ઇરાનના મુખ્ય ન્યુક્લિયર પ્લાન્ટને નિશાન બનાવ્યો. અમે ઇરાની બોમ્બ બનાવવા પર કામ કરી રહેલ પ્રમુખ ઇરાની પરમાણુ વૈજ્ઞાનિકોને નિશાન બનાવ્યા. અમે ઇરાની બેલેસ્ટિક મિસાઇલ કાર્યક્રમ કેન્દ્ર પર જ હુમલો કર્યો. નેતન્યાહૂએ આના પર અમેરિકાના રાષ્ટ્રપતિ ટ્રમ્પનો આભાર માન્યો. તેમણે કહ્યુ કે રાષ્ટ્રપતિ ટ્રમ્પે તેમના નેતૃત્વ અને ઇરાનના પરમાણુ કાર્યક્રમનો સામનો કરવા માટે તેમનો ધન્યવાદ કરી રહ્યો છુ.
ડોનાલ્ડ ટ્રમ્પે ઇરાનને ધમકીભર્યા સ્વરમાં કહ્યું કે મે ઇરાનને સોદો કરવા માટે ઘણી તકો આપી. મે ઇરાનને સખત શબ્દોમાં કહ્યું કે બસ કરો. પરંતુ ભલે તેણે ગમે તેટલો પ્રયત્ન કર્યો હોય, ગમે તેટલો નજીક ગયો હોય, તેઓ આને પૂરા કરી ન શક્યા. મે એ પણ કહ્યું કે અમેરિકા દુનિયામાં અત્યાર સુધી સૌથી ઘાતક અને સારામાં સારા સૈન્ય ઉપકરણ બનાવે છે અને ઇઝરાયલ પાસે તેનો બહુ મોટો ભંડાર છે. તે આવનારા સમયમાં ઘણુ બધુ થશે અને તેઓ આ હથિયારોનો ઉપયોગ કરવાનું જાણે છે.
