ઇઝરાયલે લેબનાનની રાજધાની બેરૂતમાં હવાઇ હુમલો કર્યો છે. જેમાં હિઝબુલ્લાહના ચીફ ઓફ આર્મી સ્ટાફ હેથમ તબાતાબાઇનુ મોત થયુ હોવાનો દાવો કરવામાં આવ્યો છે.હુમલો બેરૂતના દક્ષિણી વિસ્તારમાં આવેલા દહિયેહમાં બિલ્ડિંગ પર કરવામાં આવ્યો હતો. જેમાં હિઝબુલ્લાહ ચીફ રહેતો હતો. હુમલામાં બિલ્ડિંગનો એક ભાગ ઢળી પડ્યો હતો અને તેમાં રહેનારા 20થી વધારે લોકો ઘાયલ થયા છે. હુમલામાં બિલ્ડિંગની આસ પાસના ઘરોને પણ નુકસાન પહોંચ્યુ છે અનેક વાહનો પણ બળીને ખાખ થઇ ગયા છે.
ઇઝરાયલે યુદ્ધવિરામનું ઉલ્લંઘન કર્યું
મળતી માહિતી મુજબ ઇઝરાયલે નવેમ્બર 2024માં થયેલા યુદ્ધવિરામનું ઉલ્લંઘન કરતા બેરૂતમાં હિઝબુલ્લાહના ઠેકાણા પર હુમલો કર્યો.જેના કારણે મધ્ય પૂર્વમાં ફરી તંગદિલી વધી શકે છે. લેબનાને તાજેતરમાં જ ઇઝરાયલ સાથે વાતચીત કરવા સંમતિ આપી હતી, છતાં હુમલો કરવામાં આવ્યો. ઇઝરાયલના વડાપ્રધાન નેતન્યાહૂએ આ હુમલાને આતંકવાદ સામેની કાર્યવાહી ગણાવી છે. તેમણે આરોપ લગાવ્યો છે કે આતંકી સંગઠન હિઝબુલ્લાહ પોતાની સેન્ય ક્ષમતાને વધારે મજબૂત બનાવે છે.
આતંકી સંગઠનને ખતમ કરવાની પ્રતિજ્ઞા
નેતન્યાહૂએ આરોપ લગાવ્યો કે હિઝબુલ્લાહને લેબનાન સરકારનો સહયોગ મળી રહ્યો છે, બિલ્કુલ એ જ રીતે જેમ હમાસને ફિલિસ્તીન સરકારનો અને ISIને પાકિસ્તાન સરકારનો સહયોગ મળતો હતો. પરંતુ ઇઝરાયલ મધ્ય પૂર્વમાં કોઈપણ આતંકી સંગઠનને મજબૂત બનવા નહીં દે, કારણ કે તેઓ સમગ્ર મધ્ય પૂર્વ માટે ખતરો બની શકે છે. જેમ હૂતી બાગીઓએ યમનમાં કબ્જો કર્યો છે, એમ જ આ સંગઠનો દેશો પર કબ્જો કરીને દુનિયાને આતંકનું ઘર બનાવી શકે છે.
આ પણ વાંચોઃ Pakistanના પેશાવરમાં પોલીસ દળના મુખ્યાલય પર આંતકી હુમલો, વિસ્ફોટનો જોરદાર અવાજ સંભાળ્યો
