- ઈઝરાયલે શોધેલી સુરંગમાં બંધિયાર વાતાવરણ હતું
- ઈઝરાયલની સૈન્યએ સુરંગના ફોટા લઈ સુરંગ નાશ કરી
- હમાસ-ઈઝરાયલ વચ્ચે ત્રણ મહિનાથી વધુ સમયથી યુદ્ધ યથાવત્
ઈઝરાયલ-હમાસ વચ્ચે ભીષણ યુદ્ધ સાત ઑક્ટોબરથી સતત યથાવત્ છે. આ યુદ્ધને આશરે ત્રણ મહિના કરતાં વધુ સમય થઈ ગયો છે. પરંતુ હજી યુદ્ધ રોકાવાનું નામ નથી લઈ રહ્યું. આ દરમિયાન ઈઝરાયલની સેનાએ ગાઝા પટ્ટીમાં એક કિલોમીટર લાંબી ટનલ શોધી કાઢી છે. આ એ જ સુરંગ છે જ્યાં હમાસના આતંકવાદીઓએ 20 ઈઝરાયલી બંધકોને ગોંધી રાખ્યા હતા.
ઈઝરાયલની સેનાના પ્રવક્તા રિયર એડમિરલ ડેનિયલ હગારીના જણાવ્યા પ્રમાણે તેમને એક હોલ્ડિંગ એરિયા, મેટલના સળિયાની પાછળ પાંચ મોટા નાના ઓરડા, શૌચાલય, ગાદલાં અને એક બંધક બાળકનો ફોટો મળી આવ્યો છે. જો કે આ ટનલમાં કોઈ બંધક નહોતું.
સુરંગની હાલત ખૂબ ખરાબ
ઈઝરાયની સેનાએ સુરંગના ફોટા પ્રસિદ્ધ કર્યા છે અને કહ્યું કે તે સુરંગને નષ્ટ કરતા પહેલા તેનું ડોક્યમેન્ટેશન કરવા પત્રકારોને લઈને આવ્યા. એક પ્રવકતાએ સુરંગને લઈ પત્રકારોને અતિ મહત્ત્વની જાણકારી આપી હતી. તેઓએ જણાવ્યું કે સુરંગનું પ્રવેશ દક્ષિણી ગાઝા શહેર ખાન યુનુસમાં હમાસના એક સભ્યના ઘરમાં હતું. સૈનિકોએ જ્યારે ટનલમાં પ્રવેશી આતંકવાદીઓનો સફાયો કર્યો હતો. સુરંગ આખી વિસ્ફોટકોથી ભરેલી હતી.
સુરંગમાં 20 બંધકોને રખાયા હતા
ઈઝરાયલી સૈન્ય પ્રવકતા અનુસાર અમારી પાસે રહેલા પુરાવા પ્રમાણે આશરે 20 બંધકોને જુદાજુદા સમયે કઠોર સ્થિતિમાં અજવાળા વગર આ સુરંગમાં ગોંધી રાખ્યા હતા. સુરંગમાં હવા નહોતી આવતી જેથી શ્વાસ લેવામાં મુશ્કેલી પડતી હતી.
કતાર દેશની મધ્યસ્થતાના એક અઠવાડિયા પછી યુદ્ધ વિરામ દરમિયાન ત્યાં રાખેલા કેટલાક બંધકોને છોડી દેવાયા હતા. અન્ય 130થી વધુ લોકોમાંથી જેને સાત ઑક્ટોબરે ઈઝરાયલમાં હમાસના હુમલા દરમ્યાન પકડી લીધા હતા અને જે હજી ગાઝામાં છે.
