- અમે ઇઝરાયલને જરૂરી તમામ મદદ કરીશુઃ બાઇડન
- ‘ઇઝરાયલને આ ક્રૂરતાનો જવાબ આપવાનો અધિકાર’
- ‘ઇઝરાયલ સંપૂર્ણ તાકાતથી આ ક્રૂરતાનો જવાબ આપે’
અમેરિકી રાષ્ટ્રપતિ જો બાઇડન મંગળવારે ગાઝા પટ્ટીથી ઈઝરાયેલ પર થયેલા આઘાતજનક હુમલા માટે આતંકવાદી સંગઠન હમાસની નિંદા કરી છે. તેમણે કહ્યું કે આતંકવાદ સામે લડવું અને હમાસને જવાબ આપવો એ ઈઝરાયેલની ફરજ છે. આ હુમલાઓમાં ઓછામાં ઓછા 14 અમેરિકન નાગરિકો સહિત હજારો લોકો માર્યા ગયા છે. બાઇડન અને વાઇસ પ્રેસિડેન્ટ કમલા હેરિસે મંગળવારે ઇઝરાયેલના વડા પ્રધાન બેન્જામિન નેતન્યાહૂ સાથે ફોન પર પરિસ્થિતિ અંગે ચર્ચા કરી હતી. આ પહેલા પણ અમેરિકાએ ખુલ્લેઆમ હમાસ સામેની લડાઈમાં ઈઝરાયેલને સમર્થન આપવાની જાહેરાત કરી હતી.
બાઇડન 10 મિનિટ સુધી બોલ્યા
ગાઝા પર ઇઝરાયેલ અને હમાસ વચ્ચે ભીષણ યુદ્ધ ચાલુ છે. બાઇડન લગભગ 10 મિનિટ સુધી આ સ્થિતિ પર પોતાનું નિવેદન આપ્યું. તેમણે કહ્યું કે અમેરિકા ‘ઈઝરાયલની સાથે ઊભું રહેશે’ અને તેને જે પણ મદદની જરૂર પડશે તે પૂરી પાડશે. બાઇડને કહ્યું કે લડાઈમાં ઓછામાં ઓછા 14 અમેરિકનો માર્યા ગયા છે, જ્યારે અન્યને બંધક બનાવવામાં આવ્યા છે. તેમણે કહ્યું કે હમાસની ‘હિંસક કાર્યવાહી’ સમજની બહાર છે. માર્યા ગયેલા કે ગુમ થયેલા અમેરિકન નાગરિકોની હજુ સુધી ઓળખ થઈ શકી નથી. વ્હાઇટ હાઉસમાં તેમના ભાષણમાં, બાઇડને હુમલાઓની તુલના ISISના ‘સૌથી ખરાબ વિનાશ’ સાથે કરી હતી.
તો અમેરિકા શું કરત?
બાઇડને કહ્યું, ‘વિશ્વના દરેક દેશની જેમ ઇઝરાયેલને પણ આ ક્રૂર હુમલાઓનો જવાબ આપવાનો અધિકાર અને ખરેખર ફરજ છે.’ બાઇડન એ જણાવવાનું ભૂલ્યા ન હતા કે જો અમેરિકા આવી જ સ્થિતિમાં હોત તો શું કરશે? તેમણે કહ્યું કે અમેરિકાનો જવાબ પણ ‘ઝડપી, નિર્ણાયક અને બળવાન’ હશે. તેમની સાથે વિદેશ મંત્રી એન્ટની બ્લિંકન પણ હાજર હતા. બિડેને કહ્યું કે યુએસ ઇઝરાયેલ સાથે ગુપ્ત માહિતી શેર કરી રહ્યું છે અને બંધકોને મુક્ત કરવાના પ્રયાસો પર ઇઝરાયેલી સમકક્ષો સાથે વાત કરી રહ્યું છે. તેમણે કહ્યું, ‘રાષ્ટ્રપતિ તરીકે મારી પાસે વિશ્વભરમાં બંધક બનાવવામાં આવેલા અમેરિકનોની સુરક્ષા કરતાં વધુ કોઈ પ્રાથમિકતા નથી.’
