ઓસ્ટ્રેલિયાની સ્થાનિક T20 ટુર્નામેન્ટ બિગ બેશ લીગ હાલમાં રમાઈ રહી છે. આ લીગમાં 20 ડિસેમ્બરે સિડની સિક્સર્સના 25 વર્ષના ઓલરાઉન્ડર જેક એડવર્ડ્સે પોતાની બોલિંગથી ધૂમ મચાવી . તેણે મેચમાં સિડની થંડરની અડધી ટીમને પેવેલિયન મોકલી હતી.
તમને જણાવી દઈએ કે ઓરેન્જ આર્મીના ફેન્સ બીબીએલમાં જેક એડવર્ડ્સનું શાનદાર પ્રદર્શન જોઈને ખૂબ ખુશ થશે. સનરાઈઝર્સ હૈદરાબાદે આઈપીએલ 2026ના ઓક્શનમાં 3 કરોડ રૂપિયા ખર્ચ કરીને આ 25 વર્ષના ખેલાડીને પોતાની ટીમમાં સામેલ કર્યો છે.
જેક એડવર્ડ્સે આ 5 ખેલાડીઓને આઉટ કર્યા
BBL 2025-26 ની સાતમી મેચ સિડનીના ENGIE સ્ટેડિયમમાં રમાઈ હતી. આ મેચમાં સિડની સિક્સર્સ અને સિડની થંડર વચ્ચે રમાઈ હતી. જેક એડવર્ડ્સે સિડની થંડરની ટીમના અડધા ખેલાડીઓને આઉટ કરી દીધા હતા, જેમાં તેને પોતાની 4 ઓવરમાં માત્ર 26 રન આપ્યા હતા. આ મેચ દરમિયાન તેને વિસ્ફોટક બેટ્સમેન સેમ કોન્સ્ટાસને 2 રને, ડેવિડ વોર્નરને 2 રને, સેમ બિલિંગ્સને 51 રને, શાદાબ ખાનને 41 રને અને ડેનિયલ સેમ્સને 1 રને આઉટ કર્યા હતા.
આ ફ્રેન્ચાઈઝીઓએ જેક એડવર્ડ્સને ખરીદવામાં બતાવ્યો ઈન્ટ્રેસ
16 ડિસેમ્બરે અબુ ધાબીમાં યોજાયેલા IPL ઓક્શનમાં સનરાઈઝર્સ હૈદરાબાદ ફ્રેન્ચાઈઝીએ આ ખેલાડીને ખરીદવા માટે કરોડો રૂપિયા ખર્ચ્યા હતા. ઓસ્ટ્રેલિયન ઓલરાઉન્ડર જેક એડવર્ડ્સ તેની બેટિંગ અને બોલિંગ બંનેથી ટીમમાં યોગદાન આપી શકે છે, તેથી જ SRH સિવાય ચેન્નાઈ સુપર કિંગ્સ અને ગુજરાત ટાઈટન્સ જેવી મોટી ટીમોએ પણ તેને ખરીદવામાં રસ દાખવ્યો હતો. SRH ફેન્સ હવે આશા રાખશે કે જેક એડવર્ડ્સ IPLમાં પણ એટલું જ સારું પ્રદર્શન કરે જેટલું તેને BBLની આ સિઝનમાં કર્યું હતું.
સિડની સિક્સર્સે જીતી મેચ
બિગ બેશ લીગ 2025-26 ની સાતમી મેચમાં સિડની થંડરે ટોસ જીતીને પહેલા બોલિંગ કરવાનો નિર્ણય લીધો. આ પછી સિડની સિક્સર્સે 20 ઓવરમાં 5 વિકેટ ગુમાવીને 198 રન બનાવ્યા. તેમના તરફથી જોશ ફિલિપે 96 રન અને બાબર આઝમે અડધી સદી ફટકારી. જવાબમાં સિડની થંડર 19.1 ઓવરમાં 151 રનમાં ઓલઆઉટ થઈ ગયું. આમ સિડની સિક્સર્સે મેચ 47 રનથી જીતી લીધી.
આ પણ વાંચો: Suryakumar Yadavએ T20 વર્લ્ડકપ પહેલા પોતાના ફોર્મ વિશે આપ્યું આવું નિવેદન, કહ્યું – ‘મને ખબર છે કે…!’
