ટીમ ઈન્ડિયાના ફાસ્ટ બોલર જસપ્રીત બુમરાહની ઈજા અંગે એક મોટું અપડેટ સામે આવ્યું છે. મીડિયા રિપોર્ટ મુજબ બુમરાહને હાલ ઘરે જ આરામ કરવાની સલાહ આપવામાં આવી છે. બુમરાહને પીઠનો સોજો ઓછો ન થાય ત્યાં સુધી આરામ કરવાની સલાહ આપવામાં આવી છે. ફાસ્ટ બોલરના સોજા ઓછા થયા પછી પણ, તેમની રિકવરી અંગે વધુ નિર્ણય લેવામાં આવશે.
બેડ રેસ્ટ પર છે જસપ્રીત બુમરાહ
ઓસ્ટ્રેલિયા સામેની ટેસ્ટ સિરીઝમાં પોતાની બોલિંગથી સૌનું ધ્યાન ખેંચનાર જસપ્રીત બુમરાહની ઈજા અંગે એક મોટું અપડેટ સામે આવ્યું છે. બુમરાહને ઘરે રહેવા અને આરામ કરવાની સલાહ આપવામાં આવી છે. બુમરાહને તેની પીઠનો સોજો સંપૂર્ણપણે ઓછો ન થાય ત્યાં સુધી આરામ કરવાનું કહેવામાં આવ્યું છે.
ભારતીય બોલરના રિકવરી અંગે કોઈપણ પગલું સોજો ઓછો થયા પછી જ લેવામાં આવશે. રિપોર્ટ મુજબ જસપ્રીત બુમરાહ આવતા અઠવાડિયે બેંગલુરુમાં સેન્ટર ઓફ એક્સેલન્સમાં જઈ શકે છે. પરંતુ આ સંપૂર્ણપણે તેની પીઠમાં સોજા પર આધાર રાખે છે.
ઓસ્ટ્રેલિયામાં થય ઈજાગ્રસ્ત
બુમરાહ ઘણા સમયથી કમરની સમસ્યાથી પીડાઈ રહ્યો છે. આ ઈજાને કારણે બુમરાહને અગાઉ પણ ભારતીય ટીમની બહાર રહેવું પડ્યું હતું. ભારતીય ફાસ્ટ બોલરને પણ સર્જરી કરાવવી પડી. બુમરાહે ઓસ્ટ્રેલિયા સામે બોર્ડર-ગાવસ્કર સિરીઝમાં શાનદાર બોલિંગ કરી હતી. પરંતુ સિરીઝની છેલ્લી ટેસ્ટમાં તે મુશ્કેલીમાં મુકાયો હોય તેવું લાગ્યું અને મેદાન છોડીને ડ્રેસિંગ રૂમમાં પાછો ફર્યો.
આ પછી, બુમરાહે બીજી ઈનિંગમાં બોલિંગ પણ કરી ન હતી. બુમરાહ કાંગારૂઓ સામે એકલા લડતા જોવા મળ્યા. એવું માનવામાં આવે છે કે લાંબા સમય અને વધુ પડતા કામના ભારણને કારણે બુમરાહની જૂની ઈજા ફરી ઉભરી આવી છે. બુમરાહને તેના ઉત્તમ પ્રદર્શન માટે ICC દ્વારા ડિસેમ્બર મહિનાના બેસ્ટ ખેલાડી તરીકે પણ પસંદ કરવામાં આવ્યો હતો.
