- સ્થાપના દિવસ પર ખાસ પરેડનુ આયોજન કરવામાં આવ્યુ હતુ
- બલિદાન આપેલ જવાનોને નમન કરવામાં આવ્યુ
- બીએસએફ દ્વારા મહિલા સશક્તિકરણ પર ભાર મૂકવામાં આવી રહ્યો છે
આજે BSFનો 59મો સ્થાપના દિવસ હોવાથી ઝારખંડના હઝારીબાગમાં એક કાર્યક્રમનું આયોજન કરવામાં આવ્યુ હતુ. સ્થાપના દિવસ પર ખાસ પરેડનુ આયોજન કરવામાં આવ્યુ હતુ જેમાં ગૃહમંત્રી અમિત શાહે પરેડની સલામી લીધી હતી. ગૃહમંત્રી 1 ડિસેમ્બરની સવારે હજારીબાગમાં રાણી ઝાંસી પરેડ ગ્રાઉન્ડ ટ્રેનિંગ સેન્ટર અને સ્કૂલમાં સ્થાપના દિવસના કાર્યક્રમમાં ભાગ લીધો. રાણી ઝાંસી પરેડ ગ્રાઉન્ડ ટ્રેનિંગ સેન્ટર બીએસએફનું સૌથી જૂનું તાલીમ કેન્દ્ર છે અને તે હજારીબાગના મેરુમાં આવેલું છે. આ કાર્યક્રમનું અહીં પ્રથમવાર આયોજન કરવામાં આવી રહ્યું છે.
ક્રાયક્રમ પહેલા બલિદાન આપેલ જવાનોને નમન કરવામાં આવ્યુ
સ્થાપના દિવસના કાર્યક્રમ પહેલા જવાનોની શહાદતને નમન કરવામાં આવ્યુ. આ પહેલા ડીજી નીતિન અગ્રવાલે જણાવ્યુ હતુ કે આ BSFની 193મી બટાલીયન છે. જરૂરિયાત અને આવશ્યકતા અનુસાર BSFની બટાલીયનનો વિસ્તાર કરવામાં આવશે.
ઝારખંડમાં બટાલિયનના વિસ્તરણની યોજના
ડીજી નીતિન અગ્રવાલે વધુમાં જણાવ્યું કે ઝારખંડમાં પણ બટાલિયનની સ્થાપના કરવાની યોજના છે, જેથી અહીંના લોકોને દેશની સેવા કરવાની સાથે ઘરે રહેવાની તક મળી શકે. આ સાથે સરકાર તેમજ બીએસએફ દ્વારા મહિલા સશક્તિકરણ પર ભાર મૂકવામાં આવી રહ્યો છે. હાલમાં 8000 મહિલા અધિકારીઓ અને જવાનો BSFમાં ફરજ બજાવે છે. આગામી સમયમાં બટાલિયનમાં મહિલાઓની સંખ્યા વધારવામાં આવશે.
હાલમાં 8000 મહિલા અધિકારીઓ અને જવાનો BSFમાં ફરજ બજાવે છે
BSF, જે લગભગ 2.5 લાખ જવાનોની તાકાત સાથે વિશ્વનું સૌથી મોટું સરહદ સુરક્ષા દળ છે, દર વર્ષે 1 ડિસેમ્બરે તેનો સ્થાપના દિવસ ઉજવે છે. ભારત-પાકિસ્તાન અને ભારત-બાંગ્લાદેશ સરહદોની રક્ષા માટે તૈનાત, BSF એ દેશનું એકમાત્ર દળ છે જે યુદ્ધ અને શાંતિકાળમાં સ્પષ્ટ રીતે વ્યાખ્યાયિત ભૂમિકા ધરાવે છે. સરહદ પર શાંતિ અને સુલેહ-શાંતિ સુનિશ્ચિત કરીને યુદ્ધ અને શાંતિના સમયમાં તેને સોંપવામાં આવેલ દરેક કાર્યને સફળતાપૂર્વક પૂર્ણ કરવાની પોતાની ક્ષમતા સાબિત કરી છે.
યુદ્ધ અને શાંતિના સમયમાં તેને સોંપવામાં આવેલ દરેક કાર્યને સફળતાપૂર્વક પૂર્ણ કરવાની ક્ષમતા
હાલમાં, BSF પાસે 192 (ત્રણ NDRF સહિત) બટાલિયન અને સાત BSF આર્ટિલરી રેજિમેન્ટ છે જે પાકિસ્તાન અને બાંગ્લાદેશ સાથેની આંતરરાષ્ટ્રીય સરહદની રક્ષા કરે છે. આ ઉપરાંત, BSF કાશ્મીર ખીણમાં ઘૂસણખોરી વિરોધી, ઉત્તર પૂર્વ ક્ષેત્રમાં બળવા વિરોધી, ઓડિશા અને છત્તીસગઢ રાજ્યોમાં નક્સલ વિરોધી કામગીરી અને પાકિસ્તાન અને બાંગ્લાદેશ આંતરરાષ્ટ્રીય સરહદો પર સંકલિત ચેકપોસ્ટની સુરક્ષામાં પણ ભૂમિકા ભજવી રહી છે.
