છેલ્લા 12 વર્ષથી ઓસ્ટ્રેલિયાના પ્રવાસે રહેલા જો રૂટ બ્રિસ્બેનમાં ક્યારેય સદી ફટકારવામાં સફળ થયા ન હતા, આખરે 4,396 દિવસ પછી જો રૂટે ગુલાબી બોલથી આ સફળતા મેળવી લીધી છે.
ગાબ્બામાં સદી ફટકારી
સ્ટાર ખેલાડી જો રૂટ તરફથી તેના ચાહકો માટે ખરા અર્થમાં આ એક મોટી ગિફ્ટ કહી શકાય છે કેમ કે 12 વર્ષથી ઓસ્ટ્રેલિયાના પ્રવાસે રહેલા જો રૂટ બ્રિસ્બેનમાં અથાગ પ્રયત્ન કરવા છતાં પણ ક્યારેય સદી ફટકારવામાં સફળ થઈ શક્ય ન હતા. આખરે 4,396 દિવસ પછી જો રૂટે ચાહકોની રાહ પૂરી કરી બ્રિસ્બેન ટેસ્ટમાં શાનદાર સદી ફટકારતાની સાથેજ 40મી ટેસ્ટ સદી પૂરી કરી છે. જો રૂટ પાસે છેલ્લા 12 વર્ષથી જે અપેક્ષા રાખવામાં આવી હતી તે આખરે તેણે પૂરી કરી છે.
બીજી ટેસ્ટમાં કરી કમાલ
બ્રિસ્બેનના ગાબ્બામાં રમાઈ રહેલી બીજી ટેસ્ટમાં, જો રૂટે પ્રથમ ઇનિંગમાં શાનદાર પ્રદર્શન કરતાં કમાલની ફટકાબાજી કરીને દર્શકોને ખુશ કરી દીધા હતા. આ ટેસ્ટ મેચમાં ગુલાબી બોલનો રમતમાં ઉપયોગ કરવામાં આવ્યો હતો જેમાં જો રૂટે નોંધપાત્ર સંયમ સાથે બેટિંગ કરીને પોતાની સદી પૂરી કરી હતી. નોંધનીય છે કે જો રૂટે ઓસ્ટ્રેલિયામાં તેની 16 ટેસ્ટ રમી છે, અને આ તેની 30મી ટેસ્ટ ઇનિંગ છે, જેના પછી તેણે આ સદી ફટકારી છે.
181 બોલમાં સાકાર થયું સપનું
છેલ્લા 12 વર્ષથી જે સમયની ચાહકો કાગડોળે રાહ જોઈ રહ્યા હતા તે સમયને હકીકતમાં લાવતા જો રૂટે ગાબા ખાતે 181 બોલ રમવા પડ્યા હતા. જો રૂટે ગાબા ખાતે 181 બોલમાં સદી ફટકારી. આ તેમની 40મી ટેસ્ટ સદી હતી, જે સાથે તેણે સંગાકારાનો રેકોર્ડ પણ તોડી નાખ્યો છે. રૂટ હવે ફક્ત રિકી પોન્ટિંગ, જેક્સ કાલિસ અને સચિન તેંડુલકરથી પાછળ છે. રિકી પોન્ટિંગે 41 સદી, જેક્સ કાલિસ 45 અને સચિન તેંડુલકરે 51 સદી ફટકારી છે.
