જોસ બટલરે વેસ્ટ ઇન્ડીઝ સામેની પહેલી ટી20 મેચમાં શાનદાર 96 રન ફટકારતાની સાથેજ વિરાટ કોહલીનો એક રેકોર્ડ તોડી નાખ્યો છે, અને સાથે સાથે રોહિત શર્માના રેકોર્ડની બરાબરી પણ કરી દીધી છે.
જોસ બટલરે આપ્યો ઝટકો
ઇંગ્લેન્ડની ટીમે વેસ્ટ ઇન્ડીઝને ODI શ્રેણીમાં 3-0થી હરાવ્યા બાદ T20 શ્રેણીની પહેલી મેચમાં પણ 21 રનથી હરાવીને મોટો ઝટકો આપ્યો છે. ઇંગ્લેન્ડે પ્રથમ મેચમાં ટોસ જીતીને બેટિંગ કરવાનો નિર્ણય લિધો હતો, જે બાદ જોસ બટલરે 96 રનની શાનદાર ઇનિંગ રમીને વેસ્ટ ઇન્ડીઝની ચિંતા વધારી દીધી હતી. ઇંગ્લેન્ડની ટીમે 20 ઓવરમાં 6 વિકેટ ગુમાવીને 188 રન બનાવ્યા હતા, જ્યારે વેસ્ટ ઇન્ડીઝની ટીમ લક્ષ્યનો પીછો કરતી વખતે 20 ઓવરમાં માત્ર 167 રન બનાવી શકી હતી.
બટલરે તોડ્યો વિરાટનો રેકોર્ડ
જોસ બટલરે વેસ્ટ ઇન્ડીઝ સામે કરેલી તોફાની બેટિંગ બાદ વધુ એક કીર્તિમાન તેના નામે કરી લીધૂ છે. આ વખતે બટલરે શાનદાર બેટિંગથી વિરાટનો રેકોર્ડ તોડ્યો છે. વિરાટ કોહલીએ પોતાની T20 આંતરરાષ્ટ્રીય કારકિર્દીમાં વેસ્ટ ઈન્ડિઝ સામે કુલ 570 રન બનાવ્યા છે, જ્યારે જોસ બટલરના નામે કુલ 611 રન નોંધાયા છે. ખશુની બાબત હજી એ છે, કે રોહિત શર્મા આ યાદીમાં સૌથી આગળ છે, જેમને વેસ્ટ ઇન્ડીઝ સામે T20 આંતરરાષ્ટ્રીય મેચમાં 693 રન બનાવ્યા છે.
રોહિત શર્માની કરી બરાબરી
વેસ્ટ ઇન્ડીઝ સામે ધમાકેદાર ફિફ્ટી ફટકારતાની સાથે જ જોસ બટલરે ભારતના દિગ્ગજ ખેલાડી રોહિત શર્માના રેકોર્ડની બરાબરી કરી લીધી છે. જોસ બટલર હવે વેસ્ટ ઈન્ડિઝ સામે T20 આંતરરાષ્ટ્રીય મેચોમાં સૌથી વધુ અડધી સદી ફટકારવાના મામલે રોહિત શર્માના રેકોર્ડની બરાબરી કરી લીધી છે. રોહિત શર્માએ વેસ્ટ ઈન્ડિઝ સામે 5 અડધી સદી ફટકારી છે. હવે આ યાદીમાં રોહિત સાથે બતલરનું નામ પણ ઉમેરાઈ ગયું છે. વોર્નર આ યાદીમાં સૌથી આગળ છે, જેમને વેસ્ટ ઈન્ડિઝ સામે કુલ 7 અડધી સદી ફટકારી છે.
