- CM ભૂપેન્દ્ર પટેલના હસ્તે આવતીકાલે શુભારંભ થશે
- યુનેસ્કો દ્વારા સન્માનિત ગુજરાતના હેરીટેજ ગરબાનું આયોજન
- રાજસ્થાનના ઘુમ્મર, પંજાબના ભાંગડા ડાન્સ પર્ફોમ્સ થશે
અમદાવાદમાં કાંકરિયા કાર્નિવલનું ભવ્ય આયોજન થયુ છે. જેમાં કાંકરિયા કાર્નિવલની તૈયારીઓને આખરી ઓપ આપવામાં આવ્યો છે. CM ભૂપેન્દ્ર પટેલના હસ્તે આવતીકાલે શુભારંભ કરવામાં આવશે. જેમાં યુનેસ્કો દ્વારા સન્માનિત ગુજરાતના હેરીટેજ ગરબાનું આયોજન છે.
રાજસ્થાનના ઘુમ્મર, પંજાબના ભાંગડા ડાન્સ પર્ફોમ્સ થશે
રાજસ્થાનના ઘુમ્મર, પંજાબના ભાંગડા ડાન્સ પર્ફોમ્સ થશે. તેમજ આસામના બીહુ, મહારાષ્ટ્રની લાવણી પર પર્ફોમ્સ થશે. તથા ગુજરાતી કલાકારો કાર્નિવલમાં ધૂમ મચાવશે. લોકો સુફી ગઝલ, લોકગીત, સંગીતની મજા માણી શકશે. તથા વિવિધ સાંસ્કૃતિક કાર્યક્રમ પણ રજૂ કરવામાં આવશે. વાયબ્રન્ટ કલર્સ ઓફ ઈન્ડિયા થીમ પર કાર્યક્રમ થશે. પ્રથમ દિવસે વસુધૈવ કુટમ્બકમ્ એક ધરતી, એક પરિવાર એક ભવિષ્ય થીમન પર સાંસ્કૃતિક કાર્યક્રમનું આયોજન થશે. તેમાં સીએમ ભુપેન્દ્ર પટેલ દ્વારા કાર્નિવલનો શુભારંભ કરાશે.
વાયબ્રન્ટ કલર્સ ઓફ ઈન્ડિયા થીમ આધારીત કાર્યક્રમ થશે
ગુજરાતી કલાકારો કાર્નિવલમાં ધૂમ મચાવશે. તેમાં કિર્તીદાન ગઢવી, પાર્થ ઓઝા, દિવ્યા ચૌધરી પર્ફોમન્સ કરશે. તેમજ અરુણ દેવ યાદવ, મિરાંદે શાહ, બંકિમ પાઠક પણ કાર્નિવલમાં હશે. શાહુબદીન રાઠોડ, જીતુભાઈ દ્વારકાવાળા, સુખદેવ ધામેલીયા, રવિન્દ્ર જોની કાર્નિવલમાં જોવા મળશે. વિખ્યાત કલાકારો દ્વારા લોક ડાયરો, હિન્દી-ગુજરાતી પ્લેબેક સંગીત રજૂ કરાશે. બોલીવુડ ગીતો, હાસ્ય દરબાર સહિતના સાંસ્કૃતિક કાર્યક્રમ રજુ કરવામાં આવશે. કાંકરિયા કાર્નિવલ 2023 દરમ્યાન કાંકરિયા પરિસરમાં આવેલ વિવિધ આકર્ષણો જેવા મળશે. તેમાં કિડઝ સિટી, ટોય ટ્રેન, પ્રાણી સંગ્રહાલય, નોક્ટર્નલ ઝુ, બાલવાટિકાની પણ મજા માણી શકાશે. બટરફ્લાય ગાર્ડન, નગીના વાડી, મ્યુઝિકલ ફાઉન્ટેઈન, હોરર હાઉસની પણ મજા માણી શકાશે. ગેમિંગ ઝોન, ફન ઝોન, પ્લેનેટોરીમ, એડવેન્ચર ટ્રી વોકનું પણ આયોજન કરાયું છે. ફ્લોટિંગ રેસ્ટોરંટ અને ફીશ એક્વેરિયમની પણ મજા માણી શકાશે. કાર્નિવલના સમાપન દિવસે વાયબ્રન્ટ કલર્સ ઓફ ઈન્ડિયા થીમ આધારીત કાર્યક્રમ થશે.
