ઉત્તરાખંડના કેદારનાથમાં યાત્રીઓને લઈને જઈ રહેલા એક ખાનગી હેલિકોપ્ટરનું હાઈવે પર જ ઈમરજન્સી લેન્ડિંગ કર્યા બાદ DGCAએ કડક કાર્યવાહી કરી છે અને કેસ્ટ્રલ એવિએશન પ્રાઈવેટ લિમિટેડની તમામ ઉડાનો પર તાત્કાલિક અસરથી પ્રતિબંધ લગાવી દીધો છે. આ પ્રતિબંધ કેસની સંપૂર્ણ તપાસ પુરી ના થાય ત્યાં સુધી ચાલુ રહેશે.
હેલિકોપ્ટરને તાત્કાલિક હાઈવે પર જ ઉતારી દેવામાં આવ્યું હતું
તમને જણાવી દઈએ કે આ ઘટના શનિવારે ઉત્તરાખંડના બડાસુ વિસ્તારમાં બની હતી, જ્યાં મુસાફરોને બેસાડીને કેદારનાથ લઈ જઈ રહેલા હેલિકોપ્ટરમાં ટેક્નિકલ સમસ્યાના કારણે અચાનક જ તેને હાઈને પર ઉતારી દેવામાં આવ્યું, આ ઘટનાનો વીડિયો સોશિયલ મીડિયા પર ખુબ જ વાયરલ થઈ રહ્યો છે. ત્યારબાદ DGCAએ આ ગંભીર સુરક્ષાની ચૂકને લઈને મોટી કાર્યવાહી કરી છે. DGCAએ સ્પષ્ટ કર્યુ કે આ વિમાનની સુરક્ષાને લઈને તેમની ઝીરો ટોલરન્સની નીતિ છે અને કોઈ પણ પ્રકારની બેજવાબદારીને ચલાવી લેવામાં આવશે નહીં. તેની હેઠળ કેસ્ટ્રલ એવિએશન પર આ કાર્યવાહી કરવામાં આવી છે.
DGCAની હેલિકોપ્ટર સેવાઓની સુરક્ષા પર કડક નજર
આ પહેલા મે 2025માં પણ DGCAએ એક અન્ય ખાનગી ઓપરેટરની ઉડાન પર પ્રતિબંધ લગાવી દીધો હતો, જ્યારે સુરક્ષાના નિયમોનું ઉલ્લંઘન કરવામાં આવ્યું હતું. DGCA ચારધામ યાત્રા દરમિયાન હેલિકોપ્ટર સેવાઓની સુરક્ષા પર કડક નજર રાખી રહ્યું છે, કારણ કે આ સમયમાં મોટી સંખ્યામાં શ્રદ્ધાળુઓ હવાઈ સેવાનો ઉપયોગ કરતા હોય છે. ઉલ્લેખનીય છે કે DGCAની ટીમ હવે આ કેસની તપાસ કરશે અને કયા કારણથી હેલિકોપ્ટરનું ઈમરજન્સી લેન્ડિંગ કરવામાં આવ્યું અને કયા સુરક્ષાના માપદંડનું પાલન કરવામાં ના આવ્યું તેની તપાસ થશે. તપાસ પૂરી થયા બાદ જ આગળની ઉડાનોને લઈને કોઈ નિર્ણય લેવામાં આવશે.
