કે.એલ રાહુલ આઇપીએલ 2025માં અમુક જ મેચમાં પોતાનું પ્રદર્શન બતાવશે. કેટલીક મેચ તેઓ મીસ કરશે. આ માટેનું કારણ પણ ઘણુ મજેદાર છે. કે.એલ રાહુલ અને પત્ની અથિયા શેટ્ટી પોતાના પ્રથમ બાળકની તૈયારીઓ કરી રહ્યા છે. આ એપ્રિલ મહિનામાં જ બાળકનો જન્મ થવાનો છે. તેથી આ સમયને ધ્યાનમાં રાખીને કેએલ રાહુલ અમુક મેચમાંથી વિરામ લેશે. રાહુલે હમણા સુધી આઇપીએલની 132 મેચ રમી છે. અને 4 હજાર 683 રન ફટકાર્યાં છે.
પ્રથમ સંતાનને વેલકમ કરશે દંપત્તિ
ભારતીય સ્ટાર વિકેટકીપર અને બેટ્સ મેન કે.એલ રાહુલ આઇપીએલ 2025ની અમુક મેચમાં રમતા નહીં જોવા મળે. કારણ કે તેમના જીવનમાં નવા મહેમાનનું આગમન થવાનું છે. આ સમય દરમિયાન તેઓ પોતાની પત્ની અથિયા સાથે સમય પસાર કરશે. કેએલ રાહુલે હમણા સુધી આઇપીએલ મેચમાં રોયલ ચેલેંજર બેંગાલુરુ, સનરાઇઝ હૈદરાબાદ, પંજાબ કિંગ્સ અને લખનઉ સુપર જાયંટ માટે મેચ રમી છે. આઇપીએલ 2025ના ઓકેશન દરમિયાન દિલ્લી કેપિટલ્સે 14 કરોડમાં રાહુલને ખરીદ્યો છે. એલએસજીના ભૂતપૂર્વ કપ્તાન હમણા સુધી 132 મેચ રમી ચુક્યા છે. 4 શતક અને 37 અર્ધ શતકથી તેઓએ 4 હજારથી વધુના રન ફટકાર્યા છે. આઇપીએલ 2025ના ઓકેશન પહેલા એલએસજીએ રાહુલને સ્થાન ન આપવાનો નિર્ણય ચોંકાવનારો હતો. આઇપીએલ 2024માં રાહુલે એલએસજી માટે સૌથી વધુ રન ફટકાર્યાં હતા.
ચેમ્પિયન્સ ટ્રોફી 2025
રાહુલે ભારતની ચેમ્પિયન્સ ટ્રોફી 2025ની જીતમાં મોટી ભૂમિકા ભજવી હતી. તે દિલ્હી કેપિટલ્સના નવા કેપ્ટન બનવાની રેસમાં પણ છે. ફ્રેન્ચાઇઝ આગામી દિવસોમાં નવા કેપ્ટનની જાહેરાત કરી શકે છે. IPL 2024 માં ઋષભ પંત દિલ્હી કેપિટલ્સનો કેપ્ટન હતો, પરંતુ IPL 2025 મેગા ઓક્શન પહેલા દિલ્હી ફ્રેન્ચાઇઝ દ્વારા 27 વર્ષીય ડાબોડી વિકેટકીપરને રિટેન કરવામાં આવ્યો ન હતો. પંતને IPL 2025 મેગા ઓક્શનમાં લખનૌ સુપર જાયન્ટ્સે 27 કરોડ રૂપિયામાં કરારબદ્ધ કર્યો હતો અને જાન્યુઆરી 2025માં LSGના નવા કેપ્ટન તરીકે જાહેર કરવામાં આવ્યો હતો.
દિલ્હી કેપિટલ્સ તેમની પ્રથમ બે મેચ માટે વિશાખાપટ્ટનમ જતા પહેલા દિલ્હીમાં એક ટૂંકો તાલીમ શિબિર યોજશે. અક્ષર, રાહુલ, કુલદીપ યાદવ, દક્ષિણ આફ્રિકાના ટ્રિસ્ટન સ્ટબ્સ, ઓસ્ટ્રેલિયાના જેક ફ્રેઝર મેકગર્ક અને મિશેલ સ્ટાર્ક 17 અને 18 માર્ચે વિશાખાપટ્ટનમમાં ભેગા થશે.
