ભારતીય ટીમ 20 જૂનથી શરૂ થનારી 5 મેચની ટેસ્ટ શ્રેણી રમવા માટે ઇંગ્લેન્ડ આવી ચૂકી છે. ટેસ્ટ શ્રેણી પહેલા આજની બીજી પ્રેક્ટિસ મેચમાં રાહુલે ધમાકેદાર પ્રદર્શન કરતાં ઇંગ્લેન્ડ લાયન્સ સામે સદી ફટકારી.
રાહુલનું ધમાકેદાર પ્રદર્શન
ઇંગ્લેન્ડ પહોંચતાની સાથે કેએલ રાહુલે ધમાકેદાર પ્રદર્શન કરવાનું ચાલુ કરી દીધું છે. આઈપીએલમાં શાનદાર પ્રદર્શન કર્યા બાદ કેએલ રાહુલ અત્યારે ઇંગ્લેન્ડના બોલરોને હંફાવી રહ્યા છે. ઇંગ્લેન્ડ સામેની 5 મેચની ટેસ્ટ શ્રેણી પહેલા કેએલ રાહુલે આજે ઇંગ્લેન્ડ લાયન્સ સામેની બીજી મેચના પહેલા દિવસે શાનદાર સદી ફટકારી હતી. નોર્થમ્પ્ટનના કાઉન્ટી ક્રિકેટ ગ્રાઉન્ડ પર રાહુલે બધીજ દિશામાં ફટકાબાજી કરીને ઇંગ્લેન્ડના ખેલાડીઓને દોડાવ્યા હતા.
કેએલ રાહુલની ઓપનિંગની દાવેદારી
આજે ઇંગ્લેન્ડ સામે શાનદાર સદી ફટકારતાની સાથે કેએલ રાહુલે ઇંગ્લેન્ડ સામેની આગામી 5 મેચની ટેસ્ટ શ્રેણીમાં ઓપનિંગ કરવા માટેની તેમની દાવેદારી એકદમ મજબૂત કરી દીધી છે. ભારતીય ટીમ 20 જૂનથી શરૂ થનારી 5 મેચની ટેસ્ટ શ્રેણી કપ્તાન શુભમન ગિલના નેતૃત્વ સાથે યજમાન ઇંગ્લેન્ડ ટીમનો સામનો કરશે. આજે રાહુલે ઇન્ડિયા A તરફથી ઇંગ્લેન્ડ લાયન્સ સામે ધમાકેદાર સદી ફટકારીને તેમનું આઈપીએલનું પ્રદર્શન અહિયાં પણ જીવંત રાખ્યું છે.
જયસ્વાલનો ભાગીદાર રાહુલ?
આજની મેચમાં શરૂઆત માંજ યશસ્વી જયસ્વાલના આઉટ થયા પછી એવું લાગી રહ્યું હતું કે શરૂઆત સારી નથી થઈ પરંતુ કેએલ રાહુલે એક છેડો પકડી રાખ્યો અને બેટિંગમાં એકદમ સ્થિરતા રાખીને ટીમ માટે મહત્વપૂર્ણ સદીની ભાગીદારી કરી. રાહુલે 151 બોલમાં સદી પૂરી કરી જેમાં તેમને 13 ચોગ્ગા ફટકાર્યા અને એક શાનદાર છગ્ગો પણ માર્યો હતો. રોહિત શર્માની નિવૃત્તિ બાદ મોટો પ્રશ્ન એ હતો કે ઇંગ્લેન્ડમાં જયસ્વાલનો ભાગીદાર કોણ બનશે, પરંતુ રાહુલે આ પ્રશ્નનો જવાબ આજે સદીથી આપ્યો છે.
