કોહલી – રાહુલની વાપસી પર કોનું પત્તુ કપાશે, દિગ્ગજે જણાવ્યા નામ

• ભારત અને ઈંગ્લેન્ડ વચ્ચે ત્રીજી ટેસ્ટ મેચ 15 ફેબ્રુઆરીથી રાજકોટમાં રમાશે
  
• પાંચ મેચની ટેસ્ટ સિરીઝ 1-1થી બરાબર થઈ
  
• શ્રેયસ ઐયર અને રજત પાટીદારે તેમના માટે રસ્તો કરવો પડશે
  

ભારતીય ટીમના ભૂતપૂર્વ સ્પિનર પ્રજ્ઞાન ઓઝાએ સૂચન કર્યું છે કે જો વિરાટ કોહલી અને કેએલ રાહુલ પસંદગી માટે ઉપલબ્ધ હોય તો શ્રેયસ ઐયર અને રજત પાટીદારને પડતો મુકવા જોઈએ. ભારત અને ઈંગ્લેન્ડ વચ્ચે ત્રીજી ટેસ્ટ મેચ 15 ફેબ્રુઆરીથી રાજકોટમાં રમાશે. ભારતે બીજી ટેસ્ટમાં ઈંગ્લેન્ડને 106 રનથી હરાવ્યું હતું. આ જીત સાથે પાંચ મેચની ટેસ્ટ સિરીઝ 1-1થી બરાબર થઈ ગઈ છે. ઈંગ્લેન્ડે પ્રથમ ટેસ્ટ 28 રને જીતી હતી.

ગિલ – જયસ્વાલનું શાનદાર પ્રદર્શન

શુભમન ગીલે બીજી ટેસ્ટમાં શાનદાર પ્રદર્શન કર્યું હતું. યશસ્વીએ પ્રથમ દાવમાં બેવડી સદી ફટકારી હતી જ્યારે શુભમન ગિલે બીજી ઈનિંગમાં સદી ફટકારી હતી. ગિલ માટે આ સદી ખૂબ જ મહત્વપૂર્ણ હતી કારણ કે છેલ્લી કેટલીક ઇનિંગ્સમાં તેણે તેના બેટમાંથી વધુ રન બનાવ્યા ન હતા. પ્રજ્ઞાન ઓઝાએ કહ્યું, “શ્રેયસ ઐયર થોડો પાછળ રહી ગયો છે. જ્યારે તમે વિરાટ કોહલી અને કેએલ રાહુલ જેવા મોટા બેટ્સમેનોની વાત કરો છો, તો તેઓ પ્લેઈંગ ઈલેવનમાં પુનરાગમન કરશે. તો કદાચ શ્રેયસ ઐયર અને રજત પાટીદારે તેમના માટે રસ્તો કરવો પડશે કારણ કે પરિસ્થિતિ આવી છે.

આ ખેલાડીઓ થશે બહાર

વિરાટ કોહલીએ અંગત કારણોસર ઈંગ્લેન્ડ સામેની પ્રથમ બે ટેસ્ટ મેચમાંથી બહાર થવાનો નિર્ણય લીધો હતો અને કેએલ રાહુલ ઈજાને કારણે બીજી મેચમાંથી બહાર થઈ ગયો હતો. શ્રેયસ ઐયર પ્રથમ બે મેચ માટે ટીમનો ભાગ હતો, રજત પાટીદારને કોહલીના સ્થાને લાવવામાં આવ્યો હતો. ભૂતપૂર્વ સ્પિનર પ્રજ્ઞાન ઓઝાએ કહ્યું, “એવું નથી કે તમે ચાન્સ આપવા માંગતા નથી, પરંતુ જ્યારે મોટા બેટ્સમેન આવી રહ્યા છે અને તમારી પાસે વધારે જગ્યા નથી. તમે ઘરેલુ ક્રિકેટ પર પાછા જાઓ અને રન બનાવો.