રશિયા સાથે ચાલી રહેલા યુદ્ધ દરમિયાન યૂક્રેનના રાષ્ટ્રપતિ વોલોદિમીર ઝેલેન્સ્કીએ મોટો દાવો કર્યો છે. ઝેલેન્સ્કીએ એક નિવેદનમાં કહ્યું કે રશિયાના કુર્સ્ક વિસ્તારમાં રશિયન સેના તરફથી લડી રહેલા ઉત્તર કોરિયાના 3,000 કરતાં વધારે સૈનિકોનાં મૃત્યુ થયાં છે અથવા ઘાયલ થયા છે. એક રિપોર્ટ અનુસાર, રશિયાએ ઓગસ્ટ મહિનાની શરૂઆતમાં ઉત્તર કોરિયાના લગભગ 12,000 સૈનિકોને યૂક્રેન મોકલ્યા હતા.
ઝેલેન્સ્કીએ રશિયા અને ઉત્તર કોરિયા વચ્ચે વધતા સૈન્ય સહયોગ બાબતે ગંભીર ચિંતા વ્યક્ત કરી હતી. તેમણે જણાવ્યું કે આનાથી આધુનિક યુદ્ધ તકનીક અને સૈન્ય અનુભવનું આદનપ્રદાન થઈ શકે છે. તેમણે ચેતવણી આપી કે ઉત્તર કોરિયા અને રશિયા વચ્ચે આ સહયોગથી વધારાના સૈનિકો અને સૈન્ય ઉપકરણોનો પુરવઠો પૂરો પડાઈ શકે છે. તેના પરિણામ સ્વરૂપે યૂક્રેને સખત જવાબ આપવાની જરૂર રહેશે. ઝેલેન્સ્કીએ એમ પણ કહ્યું કે રશિયા અને ઉત્તર કોરિયાની વધતી ભાગીદારીથી માત્ર ક્યૂરેનિયમ સીમા જ નહીં, બલકે, આખા કોરિયાઈ દ્વીપકલ્પ અને આસપાસનાં ક્ષેત્રોમાં અસ્થિરતાનું જોખમ ઊભું થઈ શકે છે.ઝેલેન્સ્કીએ કહ્યું કે, તેમનું આ આકલન યૂક્રેનના ઇન્ટેલિજન્સ ડિપાર્ટમેન્ટ દ્વારા એકત્ર કરવામાં આવેલા આંકડા પર આધારિત છે.
