દિલ્હીથી લશ્કર-એ-તૈયબાના આતંકીની ધરપકડ, કુપવાડામાં છુપાયો હતો

• આતંકવાદીની નવી દિલ્હી રેલવે સ્ટેશનથી ધરપકડ કરવામાં આવી
  
•  આરોપી આતંકીની ઓળખ રિયાઝ અહેમદ તરીકે થઈ
  
• હાલ પોલીસ તેની પૂછપરછ કરી રહી છે.
  

દેશની રાજધાની દિલ્હીમાં લશ્કર-એ-તૈયબાના એક ખતરનાક આતંકવાદીની ધરપકડ કરવામાં આવી છે. જમ્મુ-કાશ્મીરના કુપવાડામાં કાર્યરત લશ્કર-એ-તૈયબા મોડ્યુલના આ સક્રિય આતંકવાદીની નવી દિલ્હી રેલવે સ્ટેશનથી ધરપકડ કરવામાં આવી છે. દિલ્હી પોલીસે આ જાણકારી આપી છે. આરોપી આતંકીની ઓળખ રિયાઝ અહેમદ તરીકે થઈ છે.દિલ્હી પોલીસના જણાવ્યા અનુસાર, દિલ્હી પોલીસની રેલ્વે પોલીસે માહિતી આપી છે કે આ આરોપી આતંકવાદીએ LOC પારથી હથિયારો અને દારૂગોળો મેળવવામાં મહત્વની ભૂમિકા ભજવી હતી. આરોપી નિવૃત સૈનિક છે. તે દેશની રાજધાનીમાં કયા હેતુથી હતો તે પણ જાણી શકાયું નથી. હાલ પોલીસ તેની પૂછપરછ કરી રહી છે.

લશ્કર-એ-તૈયબાના એક ખતરનાક આતંકવાદીની ધરપકડ કરવામાં આવી

તે ખુર્શીદ અહેમદ રાથેર અને ગુલામ સરવર રાથેર સાથે મળીને આતંકવાદીઓ દ્વારા LOC પારથી શસ્ત્રો અને દારૂગોળો મેળવવામાં સામેલ હતો. તે કાશ્મીરના કુપવાડાનો રહેવાસી છે. ગુપ્ત માહિતીના આધારે પોલીસે વહેલી સવારે નવી દિલ્હી રેલવે સ્ટેશનથી તેની ધરપકડ કરી હતી. પોલીસના જણાવ્યા અનુસાર તેના કબજામાંથી એક મોબાઈલ ફોન અને એક સિમ કાર્ડ મળી આવ્યું છે. આરોપી રિયાઝ અહેમદની કાયદાની યોગ્ય કલમો હેઠળ ધરપકડ કરવામાં આવી છે અને જમ્મુ અને કાશ્મીરના સંબંધિત પોલીસ સ્ટેશનના પોલીસ અધિકારીઓને તેમના સ્તરે વધુ જરૂરી કાર્યવાહી માટે જાણ કરવામાં આવી છે.

ગુલામ સરવર રાથેર સાથે ષડયંત્રમાં સામેલ હતો

તે આતંકવાદી હેન્ડલર્સ દ્વારા LOC પારથી શસ્ત્રો અને દારૂગોળો મેળવવામાં ખુર્શીદ અહેમદ રાથેર અને ગુલામ સરવર રાથેર સાથે ષડયંત્રમાં સામેલ હતો. તે કાશ્મીરના કુપવાડાનો રહેવાસી છે. ગુપ્ત માહિતીના આધારે પોલીસે વહેલી સવારે નવી દિલ્હી રેલવે સ્ટેશનથી તેની ધરપકડ કરી હતી.