1987માં અર્જેન્ટીનાના રોસારિયો શહેરમાં જન્મેલા લિયોનેલ મેસીને તેમની પેઢીના મહાનતમ ફૂટબોલ ખેલાડીઓમાંના એક તરીકે માનવામાં આવે છે. રેકોર્ડ સાત વખત બેલન ડી’ઓર જીતનાર મેસીએ પોતાના શાનદાર ફૂટબોલ કારકિર્દી દરમિયાન ફૂટબોલના લગભગ તમામ મોટા ખિતાબો પર પોતાનો દાવો સ્થાપિત કર્યો છે.
લિયોનેલ મેસી ફૂટબોલના જાદુગર
લિયોનેલ મેસી માત્ર એક ફૂટબોલર નથી, તેઓ મેદાન પર સાચા જાદુગર છે. રોસારિયોની ગલીઓથી લઈને બાર્સેલોના, પેરિસ અને મિયામીના સ્ટેડિયમ્સ સુધી, મેસીએ પોતાના મનમોહક ડ્રિબલ, અદભુત રીતે સચોટ પાસ અને જાદૂઈ ગોલ્સ દ્વારા સમગ્ર દુનિયાને મંત્રમુગ્ધ કરી દીધા.
24 જૂન 1987ના રોજ જન્મેલા લિયોનેલ આંદ્રેસ મેસીની કહાણી
અર્જેન્ટીનાના રોસારિયો શહેરમાં 24 જૂન 1987ના રોજ જન્મેલા લિયોનેલ આંદ્રેસ મેસીની કહાણી સંઘર્ષ, મહેનત અને સપનાઓને સાકાર કરવાની એક ઉત્તમ મિસાલ છે. મેસીના પિતા જોર્જ મેસી સ્ટીલ ફેક્ટરીમાં કામ કરતા વર્કર હતા, જ્યારે તેમની માતા સેલિયા કુકિતીની સફાઈનું કામ કરતી હતી. સામાન્ય પરિવારથી આવેલા મેસી માટે ફૂટબોલ માત્ર રમત નહીં, પરંતુ જીવન બદલવાનો માર્ગ હતો.
11 વર્ષની ઉંમરે તેમના જીવનમાં મોટો પડકાર આવ્યો
બાળપણથી જ મેસીનો બોલ પર અદ્ભુત કાબુ જોવા મળતો હતો, પરંતુ 11 વર્ષની ઉંમરે તેમના જીવનમાં મોટો પડકાર આવ્યો. તેમને ગ્રોથ હોર્મોનની અછત હોવાની બીમારી હોવાનું જાણવા મળ્યું, જેના ઈલાજનો ખર્ચ પરિવાર માટે ઉઠાવવો મુશ્કેલ હતો. સ્થાનિક ક્લબ ન્યૂવેલ્સ ઓલ્ડ બોયઝએ તેમની પ્રતિભા ઓળખી હતી, પરંતુ ઈલાજનો ખર્ચ ઉઠાવી શક્યો નહોતો.
કઠોર મહેનત કરી અને ધીમે ધીમે દુનિયામાં પોતાની અલગ ઓળખ બનાવી
આ સમય દરમિયાન મેસીની કિસ્મતે મોટો વળાંક લીધો. એફસી બાર્સેલોનાએ તેમની પ્રતિભા જોઈને તેમને પોતાના ક્લબમાં જોડ્યા અને તેમના ઈલાજનો સમગ્ર ખર્ચ ઉઠાવવાનો નિર્ણય કર્યો. કહેવાય છે કે મેસીનો પહેલો કરાર એક નેપકિન પેપર પર સાઇન થયો હતો. ત્યારબાદ સ્પેન જઈને તેમણે લા માસિયા અકાદમીમાં કઠોર મહેનત કરી અને ધીમે ધીમે દુનિયામાં પોતાની અલગ ઓળખ બનાવી.
મેસીએ અનેક ખિતાબો જીત્યા
બાર્સેલોનાની સાથે મેસીએ અનેક ખિતાબો જીત્યા, રેકોર્ડ તોડ્યા અને પોતાને દુનિયાના શ્રેષ્ઠ ખેલાડીઓમાં સ્થાન અપાવ્યું. પરંતુ તેમની કારકિર્દીની સૌથી ભાવુક અને યાદગાર સિદ્ધિ આવી 2022 ફિફા વર્લ્ડ કપ, જ્યારે તેમણે અર્જેન્ટીનાને 36 વર્ષ બાદ વર્લ્ડ ચેમ્પિયન બનાવ્યું.
ફેક્ટરી વર્કરના પુત્રથી લઈને વર્લ્ડ ચેમ્પિયન બનવા સુધી લિયોનેલ મેસીની કહાણી આપણને આ શીખ આપે છે કે સંઘર્ષ કેટલો પણ મોટો કેમ ન હોય, જો જુસ્સો અને મહેનત સાચી હોય તો સપનાઓ જરૂર પૂરાં થાય છે.
આ પણ વાંચો: Lionel Messi: વિશ્વપ્રસિદ્ધ ફૂટબોલ સુપરસ્ટારની એક ઝલક મેળવવા પ્રશંસકો આતુર, એરપોર્ટ પર ભીડ જામી
