- લોકસભા ચૂંટણીની જાહેરાતનું કાઉન્ટડાઉન શરૂ
- EC હવે આગામી 2 દિવસમાં ચૂંટણીની જાહેરાત કરશેના એંધાણ
- PMના નેતૃત્વમાં પસંદગી સમિતિની મહત્વપૂર્ણ બેઠક 14 માર્ચે યોજાશે
લોકસભા ચૂંટણીની જાહેરાતનું કાઉન્ટડાઉન શરૂ થઈ ગયું છે. આવી સ્થિતિમાં હવે ગમે ત્યારે લોકસભા ચૂંટણી 2024ની જાહેરાત થઈ શકે છે. હાલમાં મળી રહેલા સંકેતો અનુસાર 16 કે 17 માર્ચે તેની જાહેરાત થઈ શકે છે. એવું માનવામાં આવે છે કે ચૂંટણી પંચ હવે આગામી બે દિવસમાં ચૂંટણીની જાહેરાત અંગે તૈયારીઓને આખરી ઓપ આપશે.
2019માં 10 માર્ચે જ લોકસભા ચૂંટણીની જાહેરાત કરવામાં આવી હતી. જો કે આ પહેલા ચૂંટણી કમિશનરની બંને ખાલી જગ્યાઓ ભરી શકાશે. આના સંદર્ભે PMના નેતૃત્વમાં પસંદગી સમિતિની એક મહત્વપૂર્ણ બેઠક 14 માર્ચે યોજવામાં આવશે . માનવામાં આવી રહ્યું છે કે આ બેઠક બાદ જ નિમણૂકના આદેશ જારી કરી શકાશે. આ ઉપરાંત તેમને ટૂંક સમયમાં જવાબદારી નિભાવવા માટે પણ કહેવામાં આવી શકે છે.
ભાજપે 72 ઉમેદવાર ઉતાર્યા મેદાનમાં
ભારતીય જનતા પાર્ટીએ લોકસભા ચૂંટણી માટે 72 ઉમેદવારોની બીજી યાદી જાહેર કરી છે. આ યાદી અનુસાર પૂર્વ મુખ્યમંત્રી બસવરાજ બોમાઈને કર્ણાટકના હાવેરીથી ટિકિટ આપવામાં આવી છે. હરિયાણાના પૂર્વ મુખ્યમંત્રી મનોહર લાલ ખટ્ટરને કરનાલ લોકસભા સીટ પરથી ઉમેદવાર બનાવવામાં આવ્યા છે. ઉત્તરાખંડના પૂર્વ મુખ્યમંત્રી ત્રિવેન્દ્ર સિંહ રાવતને પણ ભાજપે હરિદ્વાર લોકસભા બેઠક પરથી મેદાનમાં ઉતાર્યા છે.
બીજી યાદીમાં આ મંત્રીઓના નામ
મંત્રીઓની વાત કરીએ તો કેન્દ્રીય મંત્રી નીતિન ગડકરી નાગપુરથી ચૂંટણી લડશે. ભાજપે કેન્દ્રીય મંત્રી પીયૂષ ગોયલને મહારાષ્ટ્રના મુંબઈ (ઉત્તર) લોકસભા મતવિસ્તારમાંથી પોતાના ઉમેદવાર બનાવ્યા છે. કેન્દ્રીય મંત્રી અનુરાગ ઠાકુરને હિમાચલના હમીરપુર લોકસભા સીટથી અને કેન્દ્રીય મંત્રી પ્રહલાદ જોશીને ધારવાડથી ઉમેદવાર બનાવવામાં આવ્યા છે. બીજેપીના રાષ્ટ્રીય મીડિયા પ્રભારી અનિલ બલુનીને પૌરી ગઢવાલ સંસદીય બેઠક પરથી ઉમેદવાર બનાવવામાં આવ્યા છે. કેન્દ્રીય મંત્રી પીયૂષ ગોયલને ઉત્તર મુંબઈથી ટિકિટ આપવામાં આવી છે. કેન્દ્રીય મંત્રી ભગવંત કુબાને બિદર મોકલવામાં આવ્યા છે.
