- ગીતાબા જાડેજા અને પૂર્વ ધારાસભ્ય જયરાજસિંહ જાડેજાએ કર્યુ મતદાન
- ક્ષત્રિય વિસ્તાર ધરાવતા વિસ્તારોમાં પોલીસ દ્વારા ઘોડે સવારીથી પેટ્રોલિંગ
- ક્ષત્રિય સમાજની મહિલાઓએ બાળકો સાથે મતદાન કર્યું
ગુજરાત લોકસભા 2024ની ચૂંટણી ગુજરાત માટે ખૂબ રસપ્રદ છે,એક તરફ રાજકોટમાં રૂપાલાએ ક્ષત્રિયોને લઈ આપેલા નિવેદનને લઈ ક્ષત્રિય સમાજમાં નારાજગી છે,વહેલી સવારથી ગુજરાતમાં અલગ-અલગ જગ્યાએ ક્ષત્રિય સમાજ મતદાન કરી રહ્યો છે,ત્યારે રાજકોટના રાજવી માંધાતાસિંહે પરિવાર સાથે મતદાન કર્યુ હતુ,વિન્ટેજ કાર લઈ રાજવી પરિવાર મતદાન માટે પહોંચ્યા હતા.
પોલીસનો ચુસ્ત બંદોબસ્ત
જામનગરના રાંદલ નગર વોર્ડ નંબર 2 ક્ષત્રિય સમાજનો આખો વિસ્તાર છે. જ્યાં પોલીસ બંદોબસ્ત વચ્ચે ક્ષત્રિય સમાજની બહેનો દીકરીઓની લાઇન લગાવી મતદાન કરવા પહોંચી રહી છે. ક્ષત્રિય સમાજના લોકો મતદાન કરવા ઉમટી પડયા હતા.ક્ષત્રિય પ્રભાવિત વિસ્તારમાં પોલીસનો ચુસ્ત બંદોબસ્ત છે,જામનગરમાં વોર્ડ નંબર 2, 4 વિસ્તારમાં જ્યાં ક્ષત્રિય પ્રભાવિત વિસ્તારમાં જિલ્લા પોલીસ વડા પ્રેમસુખ ડેલુ સહિત ઉચ્ચ અધિકારીનો ચુસ્ત બંદોબસ્ત ગોઠવવામાં આવ્યો અને જિલ્લા પોલીસ વડાપ્રેમસુખ ડેલુ હાલ સમગ્ર વિસ્તારનો પેટ્રોલિંગ કરી રહ્યા છે અને મતદાન મથકો પર પહોંચી નિરીક્ષણ કરી રહ્યા છે.
મતદારોને આકર્ષવા માટે અલગ અલગ કેન્દ્રો પર વિવિધ વ્યવસ્થાઓ
શહેરમાં લોકશાહીના મહાપર્વ લોકસભા ચૂંટણીમાં મતદારોને આકર્ષવા માટે અલગ અલગ કેન્દ્રો પર વિવિધ વ્યવસ્થાઓ કરવામાં આવી છે. લોકશાહીના મહાપર્વ શરૂ થયો છે. વહીવટી તંત્ર પણ આ ચૂંટણી પ્રક્રિયામાં જોડાયુ છે, ત્યારે લોકશાહીના પર્વ પર વધુમાં વધુ લોકો મતદાન કરે તે માટે તંત્ર દ્વારા વિશેષ પ્રયાસો હાથ ધરાઈ રહ્યા છે, ત્યારે રાજકોટમાં એક મતદાન મથક એવું છે કે, જ્યાં જઈને તમને એવું લાગશે કે, તમે મતદાન કરવા નહીં કોઈ મોટા પ્રસંગમાં ગયા છો.
મતદાન મથકને અલગ અલગ કલરફૂલ ઝુમરથી શણગારવામાં આવ્યું
લોકશાહીના આ પર્વ પર વધુમાં વધુ લોકો મતદાન કરે એ ખૂબ જરૂરી હોય છે, ત્યારે તંત્ર દ્વારા અવનવા પ્રયાસો હાથ ધરવામાં આવતા હોય છે. રાજકોટ ચૂંટણી તંત્ર દ્વારા શહેરના નિર્મલા સ્કૂલ પર અનોખું મતદાન મથક ઊભું કરાયું છે. અહીંયા મતદાન મથકને અનોખી રીતે શણગારવામાં આવ્યું છે. મતદાર મતદાન કરવા માટે જેવા બૂથમાં પ્રવેશે એટલે તેમને મતદાન કરવા માટે નહીં, પરંતુ કોઈ મોટા પ્રસંગમાં આવ્યા હોવાનો અહેસાસ થશે. આ મતદાન મથકને અલગ અલગ કલરફૂલ ઝુમરથી શણગારવામાં આવ્યું છે.
