- ગાંધીનગરમાં અમિત શાહનો ભવ્ય વિજય
- ગાંધીનગર 35 વર્ષથી ભાજપનો ગઢ
- સૌથી વધારે લીડ મેળવનાર સાંસદ
ગાંધીનગર લોકસભા બેઠક 35 વર્ષથી ભાજપનો ગઢ માનવામાં આવે છે. હાલ અમિત શાહ ગાંધીનગરના સાંસદ છે અને પણ તે પહેલા આ બેઠક લાલકૃષ્ણ અડવાણી પાસે હતી. આ બેઠક ભાજપની ખૂબ જ સુરક્ષિત બેઠક માનવામાં આવે છે. લાલકૃષ્ણ અડવાણી 6 ટર્મ સુધી ગાંધીનગરના સાંસદ રહી ચૂક્યા છે. જે બાસ વર્ષ 2019માં અમિત શાહ આ બેઠક પરથી ચૂંટણી લડ્યા હતા અને જંગી બહુમતી સાથે જીત્યા હતા. હવે આ વખતે 2024ની ચૂંટણીમાં પણ અમિત શાહ 10 લાખથી વધુ લીડ મેળવીને જીત્યા છે.
ગાંધીનગર લોકસભા બેઠકના ઉમેદવારો
ગાંધીનગર લોકસભા બેઠકના ઉમેદવારોની વાત કરવામાં આવે તો આ બેઠક પર ભાજપે ગાંધીનગરના સિટિંગ સાંસદ અને કેન્દ્રીય ગૃહમંત્રી અમિત શાહને મેદાને ઉતાર્યા હતા. જ્યારે કોંગ્રેસે અમિત શાહની સામે સોનલબેન પટેલને મેદાને ઉતાર્યા હતા. ગૃહમંત્રી અમિત શાહને પહેલી મોટી રાજકીય તક 1991માં મળી હતી. જ્યારે તેમણે ગાંધીનગર સંસદીય ક્ષેત્રમાં લાલકૃષ્ણ અડવાણી માટે ચૂંટણી પ્રચાર સંભાળ્યો હતો. અમિત શાહને બીજી સૌથી મોટી તક 1996માં મળી, જ્યારે અટલ બિહારી વાજપેયીએ ગુજરાતમાંથી ચૂંટણી લડવાનું નક્કી કર્યું. સોનલ પટેલ પૂર્વ મહિલા કોંગ્રેસ અધ્યક્ષ રહી ચૂક્યા છે. સોનલ પટેલ હાલમાં કોંગ્રેસના રાષ્ટ્રીય સેક્રેટરી તરીકે કાર્યરત છે. સોનલ પટેલ આ ઉપરાંત અત્યારે મહારાષ્ટ્રના સહપ્રભારીની જવાબદારી નિભાવી રહ્યાં છે. સોનલબેનના પિતા એએમસીમાં વિપક્ષના નેતા હતા. મામા ઠાકોરભાઈ દેસાઈ ગુજરાત પ્રદેશ કોંગ્રેસ કમિટીના પ્રમુખ હતા.
ગાંધીનગર લોકસભા બેઠકના જ્ઞાતિવાદી સમીકરણો
ગાંધીનગર લોકસભા બેઠકના જ્ઞાતિવાદી સમીકરણોનો વાત કરવામાં આવે તો ગાંધીનગર લોકસભા મતવિસ્તારમાં અંદાજે 3.50 લાખ ઠાકોર, 2.50 લાખ પાટીદાર, 8 લાખ ઇતર, 1.50 લાખ મુસ્લિમ, 1 લાખ ક્ષત્રિય તથા 1.50 લાખ લોકો મૂળ બિનગુજરાતી છે. આ લોકસભા સીટ પર મોટાભાગના મતદારો શહેરી વિસ્તારના છે. તેથી કોંગ્રેસ માટે ચૂંટણીમાં કઠિન રસ્તો છે.
સોનલબેન પડ્યા અમિત શાહ સામે નબળા
સોનલબેન પટેલ અનેક વર્ષથી કોંગ્રેસ સાથે જોડાયેલા છે. તેઓ અગાઉ કોંગ્રેસ મહિલા પ્રમુખનું પદ સંભાળી ચૂકયા છે. વર્ષ 2022ની વિધાનસભા ચૂંટણી પણ તેઓ લડી ચુક્યા છે. તેમનું કાર્યક્ષેત્ર નારણપુરામાં રહેલુ છે. અત્યારે મહારાષ્ટ્રના પ્રભારી તરીકે સોનલ પટેલ કામ કરી રહ્યા છે. સોનલ પટેલ હાલમાં કોંગ્રેસના રાષ્ટ્રીય સેક્રેટરી તરીકે હાલ કાર્યરત છે. સોનલ પટેલ આ ઉપરાંત અત્યારે મહારાષ્ટ્રના સહપ્રભારીની જવાબદારી નિભાવી રહ્યાં છે. સોનલ પટેલ કેન્દ્રીય ગૃહ અને સહકારિતા મંત્રી અમિત સામે ખૂબ નબળા જોવા મળી રહ્યા છે.
