મહાદેવ સટ્ટાબાજી એપનો કો -ફાઉન્ડર ઝડપાયો, દુબઈમાં રવિ ઉપ્પલની કરાઈ અટકાયત

• દુબઈના અધિકારીઓના સંપર્કમાં ભારતીય એજન્સી
  
• ભારત સરકારે જાહેર કરી હતી રેડકોર્નર નોટીસ
  
• દુબઈની સુરક્ષા એજન્સીએ કરી રવિની અટકાયત

મહાદેવ સટ્ટાબાજી એપ કેસના બે મુખ્ય આરોપીઓમાંથી એક રવિ ઉપ્પલની દુબઈમાં ધરપકડ કરવામાં આવી હતી. સત્તાવાર સૂત્રોના જણાવ્યા અનુસાર, દુબઈ પોલીસે EDની અપીલ પર ઈન્ટરપોલ દ્વારા જારી કરાયેલી રેડ નોટિસના આધારે આ કાર્યવાહી કરી છે. રવિ ઉપ્પલની ગત સપ્તાહે દુબઈમાં અટકાયત કરવામાં આવી હતી. અને EDના અધિકારીઓ તેને ભારત મોકલવા માટે દુબઈના અધિકારીઓના સંપર્કમાં છે. ભારતમાં છત્તીસગઢ અને મુંબઈ પોલીસ ઉપ્પલ વિરુદ્ધ તપાસ કરી રહી છે. જ્યારે ED મહાદેવ સટ્ટાબાજીની એપથી સંબંધિત મની લોન્ડરિંગ કેસની તપાસ કરી રહી છે. રવિ મહાદેવ એપ કેસના મુખ્ય આરોપી સૌરવ ચંદ્રાકરનો સહયોગી છે.

રવિ ઉપ્પલની સાથે બે અન્ય લોકોની પણ અટકાયત

મહાદેવ બુક એપ સટ્ટાબાજી માટે ઓનલાઈન પ્લેટફોર્મ પૂરું પાડે છે. ભારતમાં તેના પર પ્રતિબંધ મૂકવામાં આવ્યો છે. પરંતુ અન્ય દેશોમાં આ ચાલી રહ્યું છે. છત્તીસગઢના રહેવાસી ચંદ્રાકર અને તેના સહયોગી રવિ ઉપ્પલ દુબઈ તેને ચલાવે છે. બંને સામે લુક આઉટ સર્ક્યુલર જારી કરવામાં આવ્યો હતો.

સૌરવ અને રવિ જ્યુસ સેન્ટર ચલાવતા હતા

સૌરવ ચંદ્રાકર અગાઉ રાયપુરમાં જ્યુસ સેન્ટર ચલાવતા હતા. આ પછી તે સટ્ટાબાજીમાં સામેલ થઈ ગયો. સૌરવ અને રવિ પાસે 6000 કરોડથી વધુની સંપત્તિ હોવાની શંકા છે. હવાલા મારફતે મોટી રકમ દુબઈ મોકલવામાં આવી છે. એજન્સીઓને શંકા છે કે દાઉદ ઈબ્રાહિમ ગેંગે દુબઈથી મહાદેવ બુક એપને આટલા મોટા પાયે ઓપરેટ કરવામાં મદદ કરી હતી.

રવિ મહાદેવ એપના સંસ્થાપક સૌરવ ચંદ્રાકરનો સહયોગી

EDની તપાસમાં બહાર આવ્યું છે કે મહાદેવ ઓનલાઈન બુક પોકર, કાર્ડ ગેમ્સ, ચાન્સ ગેમ્સ, ક્રિકેટ, બેડમિન્ટન, ટેનિસ, ફૂટબોલ વગેરે જેવી લાઈવ ગેમ્સ પર સટ્ટાબાજી માટે ઓનલાઈન પ્લેટફોર્મ પૂરું પાડે છે. આ એપ તીન પત્તી, પોકર જેવી ઘણી કાર્ડ ગેમ રમવાની સુવિધા પણ પૂરી પાડે છે. ડ્રેગન ટાઇગર, કાર્ડ વગેરેનો ઉપયોગ કરીને વર્ચ્યુઅલ ક્રિકેટ ગેમ, ભારતમાં યોજાનારી વિવિધ ચૂંટણીઓ પર સટ્ટાબાજીની પણ મંજૂરી આપે છે.

ભૂપેશ બઘેલ પર ગંભીર આરોપો

મહાદેવ એપ કેસમાં છત્તીસગઢના પૂર્વ સીએમ ભૂપેશ બઘેલ પર ગંભીર આરોપો લગાવવામાં આવ્યા છે. ED મહાદેવ બુકી એપની તપાસ કરી રહી છે. દરમિયાન, 2 નવેમ્બરના રોજ, EDને બાતમી મળી હતી કે 7 અને 17 નવેમ્બર 2023ના રોજ યોજાનારી વિધાનસભાની ચૂંટણીને ધ્યાનમાં રાખીને મહાદેવ એપના પ્રમોટરો દ્વારા મોટી માત્રામાં રોકડ છત્તીસગઢ લઈ જવામાં આવી રહી છે. ઇડીએ હોટેલ ટ્રાઇટન અને અન્ય સ્થળો પર સર્ચ હાથ ધર્યું હતું. આ સમયગાળા દરમિયાન ઇડીએ 5 કરોડ રૂપિયાની વસૂલાત કરી હતી. આ દરમિયાન EDએ અસીમ દાસની ધરપકડ કરી હતી. અસીમ દાસે સ્વીકાર્યું છે કે જપ્ત કરાયેલ ભંડોળ મહાદેવ એપ પ્રમોટર્સ દ્વારા છત્તીસગઢ રાજ્યમાં આગામી ચૂંટણી ખર્ચ માટે રાજકારણી ‘બઘેલ’ને આપવા માટે ગોઠવવામાં આવ્યું હતું. EDએ મહાદેવ એપના કેટલાક બેનામી બેંક ખાતા પણ શોધી કાઢ્યા છે જેમાં 15.59 કરોડ રૂપિયાની બાકી રકમ ફ્રીઝ કરવામાં આવી છે.