સેન્ટ્રલ બ્યુરો ઓફ ઇન્વેસ્ટિગેશન (CBI) એ મહાદેવ બુક ઓનલાઈન સટ્ટાબાજી કૌભાંડ કેસમાં તેની કાર્યવાહી તેજ કરી છે. આ મામલામાં સીબીઆઈ છત્તીસગઢ સહિત ચાર રાજ્યોમાં 60 સ્થળોએ મોટાપાયે સર્ચ ઓપરેશન ચલાવી રહી છે. આ કેસ હાલમાં દુબઈમાં રહેતા રવિ ઉપ્પલ અને સૌરભ ચંદ્રાકર દ્વારા પ્રમોટ કરાયેલ ઓનલાઈન સટ્ટાબાજીના પ્લેટફોર્મ મહાદેવ બુકની ગેરકાયદેસર કામગીરીથી સંબંધિત છે. એક પ્રેસ રિલીઝ જાહેર કરીને સીબીઆઈએ કહ્યું કે બુધવારે તે છત્તીસગઢ, ભોપાલ, કોલકાતા અને દિલ્હીમાં 60 સ્થળો પર સર્ચ કરી રહી છે. જેમાં રાજકારણીઓ, વરિષ્ઠ અમલદારો, પોલીસ અધિકારીઓ, મહાદેવ બુકના મુખ્ય અધિકારીઓ અને આ કેસમાં સંડોવાયેલા હોવાની શંકાસ્પદ અન્ય ખાનગી વ્યક્તિઓનો સમાવેશ થાય છે.
પૂર્વ મુખ્યમંત્રીના ઘરે પણ રેડ
મહાદેવ બુક ઓનલાઈન સટ્ટાબાજી કેસમાં છત્તીસગઢના પૂર્વ મુખ્યમંત્રી ભૂપેશ બઘેલ પણ સવાલોના ઘેરામાં છે. સીબીઆઈની ટીમ આજે સવારે ભૂપેશ બઘેલના રાયપુર અને ભિલાઈના ઘરે પણ દરોડા પાડવા પહોંચી હતી. આ દરમિયાન કોંગ્રેસ નેતાના સમર્થકો મોટી સંખ્યામાં ત્યાં એકઠા થયા હતા અને CBI વિરુદ્ધ સૂત્રોચ્ચાર કર્યા હતા. સાથે જ કોંગ્રેસે પણ દરોડાની નિંદા કરી છે અને તેને રાજકીય પ્રેરિત ગણાવી છે.
એક પ્રેસ રિલીઝમાં, સીબીઆઈએ જણાવ્યું હતું કે તપાસમાં જાણવા મળ્યું છે કે પ્રમોટરોએ તેમના ગેરકાયદેસર સટ્ટાબાજીના નેટવર્કની સરળ અને અવિરત કામગીરીને સુનિશ્ચિત કરવા માટે રાજકીય નેતાઓને પણ પૈસા પણ ચૂકવ્યા છે. પ્રમોટરોએ કથિત રીતે સરકારી કર્મચારીઓને ‘પ્રોટેક્શન મની’ તરીકે મોટી રકમ ચૂકવી છે. ઇકોનોમિક ઓફેન્સ વિંગ (EOW) રાયપુર દ્વારા આ મામલે કેસ નોંધવામાં આવ્યો હતો.
બાદમાં છત્તીસગઢ સરકાર દ્વારા વરિષ્ઠ જાહેર અધિકારીઓ અને અન્ય આરોપી વ્યક્તિઓની ભૂમિકાની વ્યાપક તપાસ માટે આ કેસ સીબીઆઈને સોંપવામાં આવ્યો હતો. જો કે, સીબીઆઈએ કહ્યું કે આ સ્થળો પર સર્ચ દરમિયાન ડિજિટલ અને દસ્તાવેજી પુરાવા મળ્યા છે. જે જપ્ત કરવામાં આવ્યો છે. સાથે જ તેમણે કહ્યું કે આ કેસમાં શોધ ચાલી રહી છે.જો કે, સીબીઆઈએ કહ્યું કે આ સ્થળો પર સર્ચ દરમિયાન ડિજિટલ અને દસ્તાવેજી પુરાવા મળ્યા છે. જે જપ્ત કરવામાં આવ્યો છે. સાથે જ તેમણે કહ્યું કે આ કેસમાં શોધ ચાલી રહી છે.
